پێدڤیە بۆ لێدانا ئیرانێ هاریکاریا ئسرائیلێ بکەین
سیناتۆرەکێ ئەمریکی دیار دکەت، هەکە ئیران ببیتە خوەدانا چەکێ ئەتۆمی دێ مەترسیێن گەلەک مەزن ل سەر بەرژەوەندیێن ئەمریکا ل رۆژهەلاتا ناڤین دروست بن و هەروەسا ئیران دێ دربێن مەزن ل ئسرائیلێ دەت، ژ بەر ڤێ یەکێ ژی وەکو ئەمریکا دڤێت رێ نەدەین ئیران ببیتە خوەدانا چەکێ ئەتۆمی و دڤێت ئەمریکا بۆ لێدانا بنگەهێن ئەتۆمی یێن ئیرانێ هاریکاریا ئسرائیلێ بکەت.
لیندسی گراهام سیناتۆرێ ئەمریکی ئەو یەک ژی دیار کریە، ئیران پێگیریێ ب چو رێککەفتنان ناکەت و هەر رێککەفتنەک ژی ل گەل ئیرانێ بهێتە کرن د بەرژەوەندیا دەستهەلاتا نها یا ئیرانێ دایە و ژ بەر ڤێ یەکێ ژی دڤێت ئیدارا ترامپ ب جهێ رێککەفتنێ ژ بۆ لێدانا بنگەهێن ئەتۆمی یێن ئیرانێ هاریکاریا ئسرائیلێ بکەت.
