پێدڤیە حكومەتا نوو یا ئیراقێ پلانەكێ بۆ ڤەگەڕیانا ئاوارەیان دابنیت
دهۆك، لەزگین جۆقی:
رێڤەبەرێ كۆچ و كۆچبەر و بەرسڤدانا قەیرانان ل پارێزگەها دهۆكێ راگەهاند، حكومەتا نوو یا ئیراقێ ئەگەر چو پلان و بەرنامە بۆ ئاوارەیان نەبن، زەحمەتە ئاوارە بشێن د كابینەیا نوو یا ئیراقێ دا ڤەگەڕنە جهێن خۆ و دبێژیت: پێدڤیە 15 ملیۆن دینار بۆ قەرەبوویا هەر خێزانەكێ بهێنەدان، هەتا بشێن ڤەگەڕن.
پیر دەیان، رێڤەبەرێ كۆچ و كۆچبەر و بەرسڤدانا قەیرانان ل پارێزگەها دهۆكێ بۆ ئەڤرۆ گۆت: «پێدڤیە د حكومەتا نوو یا ئیراقێ دا پلانەك بۆ ڤەگەڕیانا ئاوارەیان ب هەڤكاری ل گەل حكومەتا هەرێما كوردستانێ بهێتە دانان، هەكە ئیراقێ چو پلان و بەرنامەیێن باش نەبن، زەحمەتە ئاوارە بشێن ڤەگەڕن و پڕۆژەیێن خزمەتگوزاری بگەهنە دەڤەرێن وان».
