پێدڤیە دیزاینەری چاڤ و هەستێن هونەری هەبن
عەیشا عەجیب:
دیزاینەر (وارهێل عەبدولباقی كامل) د دیدارەكێ دا بۆ رۆژنامەیا ئەڤرۆ گۆت: ل سالا (2004) من دەست ب كارێ ئیدیتینكێ و مۆنتاژی كر، ل سالا (2010) من پتر دەمێ خوە بۆ دیزاین و گرافیكێ تەرخانكر و هەتا نوكە من پتری (300) پەرتووكان بۆ دەزگەهێن وەشانێ و چاپخانە و زانكۆ و كۆمپانی و جهێن بازرگانی دیزاین كرینە، هەروەسا كارێن هونەری و رێكخستنێ و دیزاینێ بۆ پتر ژ (30) كونفراس و دیبەیت و سەمپۆزیۆمان و هەتا نوكە یێ بەردەوامم.
هەروەســـــــــا گـــــــــــۆت: گرافیك و دیزاینەر و مۆش گرافیك د دنوكە دا كارێن گرنگن و بازاڕێ وان هەیە، بەلێ رێژەیا پتریا گەنجان و ب كارهێنەرێن كومپیۆتەری دڤی بیاڤی دا دكێمن و ئەڤ ڤالا هیا هەی ب دەلیڤە نابینن بۆ دەستكەفتنا بازاڕێ كاری و خوە فێركرنا بەردەوام یا دیزاینێ و پێدڤیە دیزاینەری چاڤ و هەستێن هونەری هەبن، هەروەسا حەزا خوە نووكرنێ و داهێنانێ و دوفچوونێ ل دەف هەبیت.
