پێدڤیە راگەهاندن پتر رۆلێ خوە د پاراستنا ژینگەهێ دا ببینیت
رەمەزان زەكەریا:
حەسەن دۆلەمەری، بەرپرسێ بەتەلیۆنا ژینگەها مێرگەسۆر بۆ رۆژناما ئەڤرۆ گۆت: كلتۆرێ ژینگەه پاریزیا دەڤەرا بارزان زڤریتەڤە بۆ سەردەمێ شێخێن بارزان ل چەرخێن بۆری دروستبووە و هەتا نوكە مایە بوویە كلتۆرەكێ جوانێ ژینگەهپاریزیێ:
ناڤبری گۆت: ل سەردەمێ شێخ عەبدولسەلام بارزانی ژینگەه پارێزی و ژینگەه دۆستی دروستبووە هەتا گەهشتیە سەردەمێ شێخ ئەحمەدێ بارزانی بەردەوام ژی بووە ل وی دەمی رێنمایی دەرچوونە ل سەر پاراستنا ژینگەهێ وەلاتی و خەلكێ دەڤەرێ پێگیر بوونە، پێگیریا وەلاتیان ئەركێ سەر ملێن مە كێمكریە، هەر كەسێ سەرەدانا بارزان بكەت ب رەنگەكێ بەرچاڤ هەست ب پاراستنا ژینگەهێ دكەت، بۆ زانین كوشتنا هەموو جۆرە گیانەوەركێ كیڤی قەدەغەیە و هەر كەسەكێ زەێدەگاڤیێ بكەت ل گۆر یاسایێ هێتە سزادان، پاراستنا ژینگەهێ ئەركێ هەموویانە، پێدڤیە راگەهاندن پتر رۆلێ خۆ بینیت ل هشیاركرنا وەلاتیان ل سەر پاراستنا ژینگەهێ هشیاركرنا وەلاتیان.
