پێدڤیە راگەهاندن پتر گرنگیێ ب گەنجێن دەنگخۆش بدەت
سولین سلێمان:
سترانبێژ و مۆزیكژەن (هاوبیر عومەر) د دیدارەكێ دا بۆ رۆژناما ئەڤرۆ گۆت: ل دەستپێكێ من حەزا مۆزیكێ ب تایبەت ژی ئامیرێ گیتارێ هەبوو، لەورا ب شیانێن خوە من خوە فێركر، دووڤدا حەزا من بۆ سترانگۆتنێ چوو، كلیپا خوە یا ئێكێ ب ناڤێ چاوەروانی ل سالا 2015 من بەلاڤكر.
هەروەسا گۆت: خێزانا من و هندەك هەڤالێن من و كۆمپانی پشتەڤانیا من دكەن كو یێ بەردەوامبم و داخوازا من ژ كەنالێن راگەهاندنێ ئەوە پتر گرنگیێ ب گەنجێن دەنگخۆش بدەن و كار و چالاكیێن وان بەلاڤ بكەن ئەڤ چەندە ژی دێ بیتە هۆكارەك كو ئەو پتر خوە ب وەستینن و ل بەرهەمێن باشتر بگەڕیێن و ب دیتنا من نوكە هونەرێ كوردی د ئاستەكێ باش دایە.
