پێدڤیە رۆژنامەڤان نەچیتە دبن كارتێكرنا سۆشیال مەدیایێ دا
دلۆڤان هالۆ:
ئەحمەد فەرحان ئیسماعیل، رۆژنامەڤانەكێ باژێرێ زاخۆیە، نوكە پەیامنێرێ ئاژێرپرێسە، د دیدارەكێ دا بۆ رۆژناما ئەڤرۆ گۆت: دژیەكێ بچووكدا حەزا كاركرنێ دبوارێ راگەهاندنێ ل دەف من پەیدا بوو، چنكو من بەردەوام دووفچوونا نووچە و بەرنامەیێن تەلەفزیۆنێ دكر، پشتی ل سالا 2015 دەلیڤە هاتی ئەز چوومە رادیۆیێ و من چەند بەرنامە پێشكێش دكرن و رادیۆ بۆ من بۆ قوتابخانەیەك كو خوە پێ بگەهینم، پاشان ئەز چوومە تەلەفزیۆنێ و بوومە پەیامنێر و پێشكێشكار و هەتا نوكە من چەندین بەرنامە پێشكێشكرینە، هەروەسا راپۆرت ژی چێكرینە.
هەروەسا گۆت: هەتا رادەیەكی حەزێن من دناڤ راگەهاندنێ دا بجه هاتینە، لێ هیڤیێن من مەزنترن و ب دیتنا من رۆژنامەڤانێ زیرەك ئەوە پیشەیا خوە دانینە بەری هەر تشتەكی و ب دلسۆزانە كاربكەت، هەروەسا پێدڤیە رۆژنامەڤان نەچیتە دبن كارتێكرنا سۆشیال مەدیایێ دا، بەلكو دڤێت رۆژنامەڤان كارتێكرنێ ل سۆشیالێ بكەت.