پێدڤیە زمانێ کوردی ببیتە زمانێ پەروەردەیێ
پارتا کۆماریا گەل یا تورکیا د کۆنگرەیا خوە یا ڤێ دووماهیێ دا و د بەرنامەیێ پارتا خوە دا گوهۆڕینێن مەزن کرینە کو بووینە جهێ سەرەنجا رایا گشتی، د بەرنامەیێ دا هاتیە دیار کرن، دڤێت ل تورکیا هەموو وەلاتی بشێن ب رەنگەکێ ئازاد ب زمانێ خوە بخوون و کار بۆ پێشڤەبرنا زمانێ خوە بکەن و نابیت چو ئاستەنگی ل هەمبەر پێشڤەبرنا زمانێن دی دروست ببن، دڤێت هەر کەس بشێت ل تورکیا ب زمانێ دایکا خوە بخوینیت و بنڤیسیت و ئاخڤیت.
د بەرنامەیێ پارتا کۆماری دا ئەو یەک ژی هاتیە دیار کرن، دڤێت هەموو وەلاتیێن تورکیا خوەدان مافێن وەکهەڤ بن، نابیت ژ بەر هەبوونا ناسنامەیێن جودا جوداهی د ناڤبەرا نەتەوەیێن جودا ل تورکیا بهێتە کرن، دڤێت هەموو وەلاتیێن تورکیا خوەدان مافێن یەکسان بن و نابیت جوداهی د ناڤبەرا وەلاتیان دا بهێتە کرن.
چاڤدێرێن سیاسی ژی دیار دکەن پارتا کۆماری دڤێت ب ڤی رەنگی جارەکا دی پشتەڤانیا کوردان بدەستڤە بینیت.
