پێدڤیە وێنەگر نوویاتیان د كارێ خوە دا بكەن
بێوارحەمدی:
وێنەگر (محەمەد ئیسماعیل) ددیدارەكێ دا بۆ رۆژنامەیا ئەڤرۆ دیاركركو ئەڤە پتری دەه سالانە ئەو كارێ وێنەگریێ دكەت و حەزژێكرنا وی بۆ وی كاری بۆ بەری چەندین سالان دزڤڕیت و ل دەستپێكێ وێنە ب مۆبایلێ دگرتن، لێ نوكە ب كامیرێ دگریت.
ناڤبری دبێژیت: ژبەركو ئەز گەلەك حەزژ سرۆشتی و ژینگەهێ دكەم، پتریا وێنەیێن ئەز دگرم وێنەیێن سرۆشتێ جوانێ كوردستانێ نە و دگەل پێشكەفتنا تەكنۆلۆژیایێ نوكە وێنەگرتن ب ساناهی تر بوویە، ژبەركو كامیرەیێن باش و پێشكەفتی دەركەفتی نە، لێ دسەر هندێ را پێدڤیە ئەو كەسێ وێنەی دگریت یێ شارەزا بیت و بزانیت دێ چاوا وێنەی گریت و ب دیتنا من نوكە مە وێنەگرێن باش هەنە، لێ هەر پێدڤیە بەردەوام خوە دگەل پێشكەفتنا ئەتەكێتێن وێنەگریێ بگونجیت و نوویاتیان بكەت.
