پێدڤیە وێنەگر ژ قالبێ لۆكالی دەركەڤن
سندس سالح سلێڤانەیی:
وێنەگر (دلێر عەبدولعەزیز محەمەد) د دیدارەكێ دا بۆ رۆژناما ئەڤرۆ گۆت: دژیەكێ بچووكدا من حەزژ كارێ وێنەگریێ دكر، لێ ل سالا 2003 دەلیڤە هات و من ل كەنالێ سەحەر یێ ئیرانی/ پشكا كوردی كار و بوومە وێنەگرێ وی كەنالی. ناڤهاتی گۆت: ئەز ژ خالێ خوە (مەسعود بەدەل) فێری كارێ وێنەگریێ بووم كو ل وی دەمی وی نڤیسینگەهەك هەبوو كلیپ بۆ سترانبێژان چێدكرن، بۆ من ب ساناهی بوو كو كامیرە و ئالاڤیێن وێنەگرتنێ ب دەست خۆڤە بینم، هەروەسا دەلیڤە هەبوون كو پشكداریێ د چەند خولان دا بكەم دا ئاستێ خوە یێ وێنەگریێ بەر باشتر ببەم و نوكە بوویمە خودانێ دبلۆمێ د دجیتال فوتۆگرافی دا،
ئەو تشتێ من جودا دكەت ئەز گەلەك حەزژ بكارئینانا لایتینگ و سیبەرێ دكەم كو ب شێوەیەكێ بالكێش دا كو ئەو ڤیدیۆ و وێنەیێ دگرم باش بهێت و من ل بەرە ل دەرڤەی وەلاتی درێژیێ ب خواندنا خوە بدەم و دبلۆما من وەرگرتی بكەمە ماستەر، شیرەتا من بۆ هەر وێنەگرەكی ئەوە ئەوێ حەزژ كارێ خوە بكەت ژ سەربۆر و شاشیان نەترسن و بەردەوام بزاڤێ بكەن نوویاتیان بینە هەبوونێ و ژقالبێ لۆكالی دەركەڤن.
