پێدڤیە پەیکەرساز یێ ئەکادیمی بیت
بێوار حەمدی:
شێوەکارێ گەنج “ئاشتی عومەر” ژیێ وی 24 سالن د دیدارەکێ دا بۆ بەرپەرێ هونەری یێ ڕۆژناما ئەڤرۆ گۆت: من شێوەکاری ب ئەکادیمی خواندیە و دەرچوویێ پەیمانگەها هونەرێن جوانم، دەمێ پتری حەفت سالانە کارێ پەیکەرسازیێ دکەم.
ناڤهاتی دبەردەوامیا ئاخفتنا خوە دا دیار کر کو وی شێوەکاری ب گشتی خواندیە، بەلێ بسپوریا وی پەیکەرسازیە و گۆت: ب دیتنامن پەیکەرساز پێدڤی یە یێ ئەکادیمی بیت، ژ بەر کو جوداهیەکا مەزن دناڤبەرا شێوەکارێ ئەکادیمی و نەئەکادیمی دا هەیە، چونکۆ یێ خواندی بیت پتر دزانیت خواندنێ بۆ وێنەیان ژی بکەت و دپیڤانێن وان ژی دا یێ شاڕەزایە.
ل دووماهیێ ئاشتی گۆت: ئەو کەسێ کارێ پەیکەرسازیێ دکەت پێدڤیە گەلەک ل سەرخوە کاربکەت و هەموو بزاڤان بۆ پێشڤەچوونا خوە بکەت، چونکۆ ئەو تشتێ مرۆڤی ژ کەسەکێ نورمال جودا دکەت شاڕەزای و زانینا وی یا زێدەترە و هەروەسا ئەز گەلەک ب پەیکەرسازێ جیهانی « مایکل ئەنجلو»ی داخبارم.
