پێدڤیە ژن پشتگەرما خوە بیت
موسا خالد:
رەنگین شوكری، خانمەكا دەست رەنگینا خەلكا دهۆكێ یە، د دیدارەركێ دا بۆ رۆژناما ئەڤرۆ دبێژیت: ژیێ من بیست و چارسالن و نوكە قوتابیا ئامادەیا بازرگانی مە، هەلبەت دژیەكێ بچووكدا من حەزژ كارێن دەستی دكر، لێ ئەڤە پتر ژ سالەكێ یە من ب دروستی دەست ب كاری كر و ئەز شەمالك و سێنیكێن كریستالی و هندەك كارێن گرێدای ب شەهیان و ئاهەنگان ڤە چێدكەم و ب كارێ خوە یا دلخۆش و ئارامم و داهاتەك ژی بۆ من ژێ دهێت.
هەروەسا گۆت: هەڤژین و خێزانا من گەلەك پشتەڤانیا من دكەن و پتریا بەرهەمێن ئەز چێدكەم ب رێیا ئۆنلاین دفرۆشم، بۆ زانین مە گرۆپەك ب سەرپەرشتیا ماموستا (جوان محەمەد) هەیە و ئەم ژ نێزیكی ئاگەهداری كارێن هەڤدۆینە، هەروەسا پشتەڤانێن ئێكین، من ل بەرە ئەز یا بەردەوامبم، هەروەسا دێ بزاڤێ كەم كارێ خوە بەرفرەهتر لێ بكەم، چنكو كاركرن بۆ ژنێ پیشەیەكێ باشە و دڤێت ئەو ب خوە پشت بەستنێ ل سەر خوە بكەن.
