پێدڤیە گەنجێن مە خوە فێری ژیریا دەستكرد بكەن
بێوار حەمدی:
مەدیاكار (ئالان ئەحمەد) كو نوكە ل ئاژانسا خانی كاردكەت، د دیدارەكێ دا بۆ رۆژنامەیا ئەڤرۆ گۆت: ژبەركو ناڤەندا خانی یا رەوشەنبیری و راگەهاندنێ گەلەك پشك هەنە، لەورا من ئاژانس هەلبژارت و ب راستی ژی كارێ وان یێ سۆسیالێ گەلەكێ بهێزە و خۆشحالم كو ل وێرێ كاردكەم.
هەروەسا گۆت: مخابن هندەك هندەك پەیج و سایتێن نە فەرمی هەنە، ب ناڤێ راگەهاندنێ كاردكەن، وان فشار و كارتێكرن ل ئاژانس و پەیجێن باش و فەرمی ژی كرینە، لێ هێشتا وان هشیاریا راگەهاندنێ نینە، چنكو سۆشیالا مە دجیتالە و هەبوونا خوە ل هەموو پلاتفۆرمان هەیە و فۆكسا مە ژی پتر ل سەر نووچەیێن ناڤخۆیی نە، ژبەر هندێ مە شیایە جهێ خوە بكەین و ئەم پتر بزاڤێ دكەین چو جاران ژ یاسایێن مەدیایێ و سۆشیالێ دەرنەكەڤین و فەرە هەموو گەنجێن مە خوە فێری ژیریا دەستكرد بكەن، چنكو جیهان هەموو یا بەر ب وی ئاراستەی ڤە دچیت.
