پێدڤیە ھەموو دایک و باب ڤان ھەوارھاتنێن دەسپێکی بزانن
ئەڤرۆ نيوز:
پێدڤیە ھەموو دایک و باب ڤان ھەوارھاتنێن دەسپێکی بزانن ل دەمێ روودنا ھەرکێشەکێ دا کو ھاریکاریا زارۆیێن خوە بدەن ھەتا کو تیمێن تایبەتمەند دگەھن یان ژی دگەھیننە نەخۆشخانەکێ. ژ وان ژی:
١- خەندقین: گەلەک جاران ژ ئەگەرێ خوارنا تشتێن جودا، یان خوارنا تشتێ مەزن زارۆ روو ب روو خەندقینێ دبن و د وی دەمی دا، پێدڤیە زارۆیی سەروبن بکەن و پێن وی/وێ بگرن و بلند بکەن و دەستێ خوە ل پشتێ بدەن دا تشتێ د دەڤی دا ھەیی بھێتە دەر و گەوری ڤالا ببیت و پاقژ ببیت. چو جاران دەستێ خوە نەبە گەوریا وی/وێ چونکو دبیت تو ببیە ئەگەر کو زێدەتر بارێ زارۆیی خرابتر لێ بھێت و ئەو تشت ئاسێ ببیت.
٢- ھەکە زارۆیی گاز یان تشتەکێ دی یێ ژەھراوی ڤەخوار: بزاڤێ نەکەن ب ھەلینیتە ڤە، بەلکو ھندەک ماستی بدێ.
٣- ھەکە کارەبێ زارۆیێ تە گرت: دەسپێکێ بزاڤێ بکەن کارەبێ ببڕە، پاشان سنگێ وی ب پەرخینە و ب شلقینە و بزاڤێ بکەن بلا بێھنا خوە بینیت و ببەت.
٤- ل دەمێ خوون بەربوون و کەفتن ژ جھەکێ بلند: بزاڤێ بکە خوینێ راگرە ب دانانا پارچەکا قوماشی ل سەر برینێ و پیچەک ب گڤێشە یان ب دەستێ فشارێ بێخە سەر، ل دەمێ کەفتنێ ژی دڤێت پشت راست بی کا شکەستیە یان نە، پاشان بزاڤێ بکەیی ب لڤینی، چونکو ل لڤاندنا تشتێ شکەستی یا خرابە و دبیت کێشە مەزنتر لێ بھێت.
