پێرلۆ دێ چیتە خولا ئەمریکا
ھژمارەکا راپورتێن روژنامەڤانی دوپاتکریە کو یاریکەرێ ناڤدارێ ئیتالی ئەندریا پێرلو یاریکەرێ ھێلا ناڤینا یانا یوڤانتوس دێ ژ نەشکەکێ ڤە ھێتە ڤەگوھاستن بو یانا لوس ئەنجلوس گالاکسی یا ئەمریکی د ماوێ ڤەگوھاستنا زڤستانێ یا یاریکەران دا.
زێدەتر د ڤی بیاڤی دا روژناما دەیلی میل یا برێتانی راپورتەک بەلاڤەکریە و تێدا دیارکریە ئەف یاریکەرێ ٣٥ سالی دێ ھێتە ڤەگوھاستن بو یانا ئەمریکێ داکو ببیتە پێگوھورێ یاریکەرێ وان لاندون دونوڤان ئەوێ دەست بەردانا خوە ژ یاریا تەپا پێ راگەھاندی و زێدەتر ھەمان روژنامە ئەو چەندە ژی خویاکریە کو یانا ئەمریکی ھەمبەر چونا پێرلوی دێ سالانە ٣,٥ ملیون یورویان دەت وەکو موچێ سالانە و ب ڤێ چەندێ پێشبینیا ڤەگەریانا وی دھێتە کرن.
