پێزانین و شیرەتێن پێدڤی ل سەر په‌يوه‌نديێن سكى بزانە
ئه‌ڤرۆ نيوز:
ژیانا سیکسی ژ کارێن ئالۆزە کو ب سەدان رێنما و تیورێن گشتی یێن ھەین. بەلێ ل دووماھیێ و بەراھیێ ھەڤبەندیە د ناڤبەرا دو کەسان دا کو ھەر ئێکێ کەساتیا خوە یا ھەی کو ئەو رێنما و تیور ل سەر دھێنە چەسپاندن.
نابیت ئەم رەفتارێ ل گەل پێزانین و تیور و ڤەکۆلینان بکەین کو رێنمایێن بنەجھن و نابیت ژێ دەرکەڤین. ھەلبەت مە بەحسێ کریارا سیکسی یە و نە بەحسێ وان رێنمایانە یێن گرێدای ساخلەمیا سیکسی یێن پێدڤی بھێنە کرن.
گەلەک وان پێزانینێن ئەم رۆژانە ل سەر ھەڤبەندیا گەرم د ناڤبەرا ھەڤژینان دا دخوینین، کیشک ژ وان بۆ تە و ھەڤژینێ یا باشە؟ بەرسڤ یا گرێدای تە و ھەڤژینا تەیە و جۆرێ ھەڤبەندی و کەساتیا ھەوەیە.
ئەڤە ھندەک پێزانینێن گشتی نە کو پێدڤیە ھەر ژنەک بزانیت کو د گرێدای تێگەھێ ھەڤبەندیا گەرمن و کا چ دروستە و چ گۆتگۆتگن.
ھەڤبەندیا سیکسی نە وەکو یا فلمانە: چاڤەرێبوونا ھەڤبەندیەکا نموونە کو ھەڤژینێ وەکو قارەمانێن فلمێن سینەمایی بیت و ھەمی ساخلەتێن زەلامینیێ یێن سەرنجراکێش ل نک ھەبن و گرنگیێ ب دەتە کەیفخۆشیا تە ل سەر تەختی وەکو فلمان، پێدڤیە تو ب ئێکجاری خوە ژ ڤان ھزران دوور بکەی، ژیان یا ژ فلمان جودایە و سروشتێ بیولۆژی و دەروونی ب تمامی یا جودایە، بەراوردکرن ستەمە ل زەلامی و ستەمە ل تەژی ھەکە ئەو تە ب فلمان بەراورد بکەت.
گەھشتنا خۆشیێ: ھژمارەکا مەزن ژ ژنان ب ھەڤبەندیا سیکسی ناگەھنە خۆشیا دروست. ٥٠ – ٧٥% ژ ژنان ل سەرانسەری جیھانێ ب ڤێ چەندێ ناگەھنە خۆشیێ، پێدڤیە تو زاراڤێ “ساربوونا سیکسی” ژ فەرھەنگا خوە راکەی چونکو کەتوار بەرۆڤاژی وێ چەندێ یە. ل بەرامبەر ھندەک ژنێن ھەین خۆشیەکا ل دووڤ ئێک تاقی دکەن و ھندەک بۆ جارەکێ ب تنێ تاق دکەن.
تێکرایێ سروشتی یێ ھەڤبەندیێ: پرسیارا ھەڤالێن خوە نەکە ل سەر ھەڤبەندی و تێکرایەکا مەزنتر چونکو ھەمی درەوان دکەن دەمێ دبیتە بەحسێ ژیانا سیکسی، خو ھزرا پرسیارێ ژی نەکە چونکو تو بەرسڤا دروست وەرناگری، چو تێکرایێن سروشتی نینن بۆ جارێن ئەنجامدانا ئەڤینیێ، بابەت یێ گرێدای تە و ھەڤژینێ تەیە و نە ب وی ب تنێ ڤە، تێکرایێ سروشتی دمینیتە ل سەر جۆرێ ھەڤبەندیێ بۆ دلخۆشکرنا ھەوە ب پێکڤە بێی ل بەرچاڤ وەرگرتنا دەمێ وێ یان تێکرایا حەفتیانە.
ھەر ژنەکێ رەوشەکا جودا یا ھەی: راستە ب دەھان پرتووک و رەوش یێن ھەین کو خۆشیێ ل دووڤ خۆشیێ نیشا مرۆڤی ددەن. بەلێ ھەمی ژی نەشێن تە کەیفخۆش بکەن چونکو بۆ تە نە د گونجای نە، ڤەدیتنا رەوشا گونجای دێ گەشتەکا خۆش بیت بۆ تە د ھەمی حالتەان دا، چونکو دێ گەلەک تاقیکرن و راستڤەکرن و گوھۆرینان کەی دا رۆتینا ژیانا سیکسی بشکێنی.
پەڕینا گیرۆ نە نیعمەتەکە: گێرۆبوونا زەلامی د پەڕینێ دا نە شیانەکا سەیرە بەلێ ئەو حالەتەکێ نەخۆشیێ یە ھەر وەکو پەڕینا بلەزە و پێدڤیا ب چارەکرنێ ھەی.
دەمێ نموونە: زەلام حەز دکەت ھەڤبەندیێ سپێدی بکەت چونکو تێکرایا “تستوستیرۆنی” ل وی دەمی یا بلندە بەرامبەر نزمبوونا “میلاتونین” د لەشێ ژنێ دا ئانکو وێ نەڤێت ھەڤبەندیێ بکەت. دەمێ نموونە و ل دووڤ تێکرایا ھورمۆنان دانێ ئێڤاری یە، بەلێ ئەو ل دووڤ گێولی کەسی دھێتە گوھۆرین.
سەرئێشانێ نەکە بەھانە: ھەڤبەندیا سیکسی وەکو تەناکەرێ سروشتیە، لەورا ھەکە بەھانا تە سەرئێشان بیت، ھەستا ب خۆشیێ وێ چەندێ ناھێلیت. ھەروەسا ھەڤبەندیا سیکسی دفنێن مرۆڤی ڤەدکەت و ھەناسان خۆش دکەت، خوە ژ بەھانان بدە پاش چونکو ھەڤبەندی بۆ ھەوە ھەردویان باشە.
حەز و ژیێ بێزاریێ: بەرۆڤاژی یا دھێتە گۆتن حەز ل نک ژنان ل ژیێ بێزاریێ زێدە دبیت بەلێ نە بەرامبەر ھەڤژینێن وان و ئەڤە نە رامانا وێ یە کو دێ خیانەتێ کەت، بەلێ ھەکە ھزرێن سیکسی بەرامبەر کەسەکێ ل نک تە چێبوون ئەو کارەکێ سروشتیە.
