پێشانگه‌ها خوه یا ئێكێ دێ ل دهۆكێ ڤه‌كه‌ت
دهۆك، هه‌رهین محه‌مه‌د:
قێرین مسته‌فا، شێوه‌كار و سترانبێژا رۆژئاڤایێ كوردستانێ د دیداره‌كێ دا بۆ ئه‌ڤرۆ گۆت: ل ده‌ستپێكێ من ده‌ست ب كاری َشێوه‌كاری كر، چونكو ده‌رچوویا په‌یمانگه‌ها هونه‌رێن جوانم ل باژێرێ حه‌له‌بێ، به‌لێ ل گه‌ل هندێ مۆزیك و ستران ژی حه‌زا من بوون و هه‌ر ئێكێ جهێ خوه یی َتایبه‌ت ل نك من یه‌یه و هه‌ر دو بۆ من دگرنگن و هه‌ر پشكه‌ك ڤالاهیه‌كێ پر دكه‌ت و هه‌ردو ئارام كه‌رێن ده‌روونی نه بۆ من و هه‌ردو هونه‌ران به‌لانسه‌ك هه‌یه بۆ من، ژبه‌ركو هه‌ر پشكه‌كێ جوداهیا خوه هه‌یه، له‌ورا من شیا هونه‌رێ خوه ب ده‌رێخم و ل باشور ئه‌ز ب گرۆپێ مشه‌خت یی َهونه‌ری هاتمه نیاسین وان ته‌كه‌ز ل سه‌ر رۆلی َژنێ و پێشخستنا وێ جڤاكی دا كر و ژلایێ سترانگۆتنێ ڤه ژی هه‌تا نوكه چو سترانبێژا داخواز ژ من نه كریه، ب تنی َمن ل گرۆپێ مشه‌خت دا ل ئاهه‌نگان گۆتینه و هه‌كه داخواز ژ من بهێته كرن ژی یا ئاماده‌مه.
قێرینێ گۆت: پشكداری گه‌له‌ك پێشانگه‌هێن ب كوم بوویمه و نوكه ئاماده‌كارێن خوه دكه‌م ژبۆ پێشانگه‌هه‌كا تایبه‌ت و ب ئانه‌هیا خودێ ل ده‌مه‌كێ نێزیك دێ ریكلاما وێ هێته‌كرن و پێشانگه‌ها من دێ هێته ڤه‌كرن.
