پێشانگه‌ها شێوه‌كاری بۆ زارویێن نه‌ساخ ب نه‌خۆشیا په‌نجه‌شێرێ هاته ڤه‌كرن
ئەڤرۆ نیۆز،زنار تۆڤی:
ژپێخه‌مه‌ت ڤه‌گه‌راندنا گرنژینێ ل سه‌ر دێمێ زارویێن نه‌ساخ ئه‌وێن توشی په‌نجه‌شێرێ بووین ئه‌ڤرۆ نیڤرۆ 4-12-2017 ل هولا فاملی مول ب ئاماده‌بوونا فه‌رهاد ئه‌مین ئه‌تروشی پارێزگه‌رێ دهوكێ و خاتوون(سیرینا موری ) كونسلا وه‌لاتێ ئیتالیا ل كوردستانێ و دکتۆر نزار عسمەت رێڤه‌به‌رێ گشتی یێ ساخله‌میێ ل پارێزگه‌ها دهوكێ پێشانگه‌ها شێوه‌كاری یا زارویێن توشی په‌نجه‌شێرێ بووین هاته ڤه‌كرن.
پاش گه‌ریانه‌ك ل ناڤ پشكێن پێشانگه‌هێ هاته كرن و ژنێزیك سه‌حكره به‌رهه‌مێ زارویێن نه‌خوش.
هه‌ر بڤێ هه‌لكه‌فتێ په‌یڤ هاتنه خاندن ژوانا په‌یڤا ماموستایێ شێوه‌كار بەیار محەمەد عومەر رێڤه‌به‌رێ وێ خولا تایبه‌ت یا كو بو 34 زارۆیان بۆ ماوێ 25 رۆژا بۆ زارویێن نه‌ساخ هاتیه ڤه‌كرن ل دور كارێن ده‌ستی و شێوه‌كاری.
ناڤبری ئاماژه دا ئارمانجا ڤه‌كرنا خولێ و پێشانگه‌هێ ژبۆ هندێ بوویه کو زارویێن نه‌ساخ خو ژبیرڤه‌كه‌ن و ژسه‌قایێ نه‌خوشخانێ و ده‌رمانان ده‌ركه‌ڤن و هزرا خو د كارێن ده‌ستی و شێوه‌كاری دا بكه‌ن.
پاشی رێڤه‌به‌رێ نه‌خوشخانا هیڤی یا زارویان گوت: ئه‌ڤ جوره چالاكیه زۆر دگرنگ بۆ وێ یه‌كێ زارۆ ژ سه‌قایێ نه‌خوشخانێ دووربكه‌ن و هزرێ دهنده‌ك كارێن جودا بكه‌ن و هه‌ست ب شیانێن خو بكه‌ن.
هه‌روه‌سا سوپاسیا پارێزگه‌ها دهوكێ و ده‌وله‌مەندا كر یێن كو پشته‌ڤانیا سندوقا پشته‌ڤانیكرنا نه‌خوشێن په‌نجه‌شێرێ ل پارێزگه‌هێ دكه‌ن و ته‌كه‌زكر كو ژبه‌ر وێ ده‌ست پێشخه‌ریێ ئه‌ڤه هه‌شت هه‌یڤه مالباتێن زاروكێن نه‌ساخ چ ده‌رمان ژبازاری نه‌كرینه وداخازا كر كو بنگه‌هه‌كێ تایبه‌ت بو زاروكێن نه‌ساخ بهێته دورستكرن.
پاشی پارێزگه‌رێ دهوكێ و یێن دگه‌لدا و چه‌ند رێكخراوێن مرۆڤایه‌تی دیاریێن تایبه‌ت ل سه‌ر زارویێن پشكدار به‌لاڤكرن.
پێدڤی گوتنێ یه نوكه 110 زاروك ل نه‌خوشخانا هیڤی چاره‌سه‌ریا نه‌خوشیا په‌نجه‌شێرێ وه‌ردگرن وره‌وشا 80 زاروكێن دی باشبویه و 90 زاروكان ژی گیانێ خو ژده‌ست دایه.
