پێشانگه‌هه‌كا تایبه‌ت دێ ڤه‌كه‌ت
عه‌لی حاجی:
نور الهدی سلێمان، كچه‌كا شێوه‌كاره ل باژێرێ زاخۆ دژیت، د دیداره‌كێ دا بۆ رۆژناما ئه‌ڤرۆ دیاركر كو ئه‌و حه‌زناكه‌ت بتنێ وێ پێزانین ل سه‌ر هونه‌ری هه‌بن به‌لكو دخوازیت د هنده‌ك بیاڤێن دی دا خوه پێش بێخیت و چێكرنا كه‌ڤالان خۆشیه‌كا تایبه‌ت بۆ وێ هه‌یه ژبه‌ركو خویشكا وێ ژی شێوه‌كاره.
زێده‌تر گۆت: ده‌مێ ئه‌زا بچووك به‌رده‌وام من وێنه چێدكرن و گه‌له‌كا خۆشه د ماله‌كێ دا زێده‌تر ژ شێوه‌كاره‌كێ هه‌بن، ئانكو د ماله‌كێ دا ئه‌م دو شێوه‌كارین و گه‌له‌ك جاران بۆ كاره‌كێ خوه ئه‌ز بوچونا خویشكا خوه د وه‌رگرم، زێده‌باری وێ چه‌ندێ كو ئه‌ز نوكه قوتابیا ئه‌ندازیاریا فرۆكه‌ڤانی مه به‌لێ ئه‌و چه‌نده نه‌بوویه ئه‌گه‌ر كو ژ كارێ خوه دووركه‌ڤم و پشتی ئه‌ڤ ساله دا ب دووماهی دهێت دێ پێشانگه‌هه‌كا تایبه‌ت ڤه ڤه‌كه‌م و به‌ری نوكه من پشكداری د چه‌ند پێشانگه‌هێن هه‌ڤپشكدا كریه.
