پێشانگه‌هه‌كا سالانه یا په‌رتووكان ل زانكویا زاخۆ دێ هێته ڤه‌كرن
ئه‌ڤرۆ نیوز، عه‌لی حاجی :
زانكویا زاخۆ ب هه‌ڤكاری دگه‌ل هه‌ژماره‌كا پرتوكخانه‌یێن دهوكێ و به‌غد ا دێ ئێكه‌مین پێشانگه‌ها په‌رتوكا یا سالانه دناڤ زانكویا زاخۆ ئه‌نجام ده‌ت و بریاره ئه‌و پێشانگه‌هه بۆ ماوه‌یێ سێ حه‌فتیان یا به‌رده‌وام بیت .
دكتور هوگر تاهر راگرێ ڤه‌كولتیا رانستێن مروڤایه‌تی بۆ ئه‌ڤرۆ نیوز گوت: (بریاره ل روژا ئێكه شه‌مبی 16/2/2020 بۆ ماوه‌یێ سێ حه‌فتیان ئێكه‌مین پێشانگه‌ها سالانه یا په‌رتوكان ل بن چاڤدێریا سه‌روكێ زانكویا زاخۆ بهێته ڤه‌كرن كو ئه‌وا بریاره شه‌ش په‌رتوكخانه ل باژێرێ دهوكێ و دگه‌ل دا په‌رتوكخانه‌یه‌كا باژێرێ به‌غدا پشكداری ڤێ پێشانگه‌هێ ببن و سانه پێشانگه‌ه دهاتنه ئه‌نجام دان دناڤ زانكویێ دا به‌لێ ب شێوه‌یه‌كێ رێك و پێك نه‌بوو به‌لكو هه‌ر ڤه‌كولیته‌كێ پێشانگه‌هه‌ك ڤه‌دكر به‌لێ بۆ ئه‌ڤ ساله جوداتر ب پشكداریا هه‌می ڤه‌كولتیان ئه‌ڤ پێشانگه‌هه دێ هێته ڤه‌كرن و زێده‌باری ڤێ چه‌ندێ ژی دێ په‌رتوكێن تایبه‌ت ب سه‌نته‌رێ زاخۆ ژی دناڤ پێشانگه‌هێ دا هێنه به‌رده‌ست كرن).
ناڤهاتی گوت ژی بریاره رێژه‌یه‌كا زور یا په‌رتوكان پشكداری وێ پێشانگه‌هێ ببن و داشكاندنه‌ك دێ ل سه‌ه‌ر هه‌می په‌رتوكان دناڤ پێشانگه‌هێ دا بیت و هه ردیسان دو ترومبێل هاتینه ده‌ست نیشان كرن داكو د ناڤ سه‌نته‌رێ باژێرێ زاخۆ دا ئه‌و كه‌سێ حه‌ز ل سه‌ر پشكداریكرنا وێ پێشانگه‌هێ هه‌بیت بێ به‌رامبه‌ر وان كه‌سان ڤه‌گوهێزنه زانكویا زاخۆ و بۆ سالا بهێته به‌رنامه‌یه‌كێ رێك و پێكتر هاتیه دانان دا كو ب شێوه‌یه‌كێ به‌رفره‌هتر په‌رتوكخانه‌یێن هه‌می باژێرێن دیتر ژی پشكداری پێشانگه‌هێ ببن.
