پێشانگه‌هه‌كا شێوه‌كاری بۆ هونه‌رمه‌ندێن كورد دێ ل پاریس هێته ڤه‌كرن
ئه‌ڤرۆ:
پێشانگه‌هه‌كا شێوه‌كاری بۆ هونه‌رمه‌ندێن كورد دێ ل پاریس پایته‌ختێ وه‌لاتێ فره‌نسا هێته ڤه‌كرن و د ڤێ پێشانگه‌هێ دا دێ به‌رهه‌مێ 19 شێوه‌كارێن كورد هێته نیشادان.
ته‌ها خۆشنووس، شێوه‌كاره‌كێ باشوورێ كوردستانێ یه و ل وه‌لاتێ ئه‌لمانیا دژیت، ئێكه ژ پشكداربوویێن ڤێ پێشانگه‌هێ دیار كر كو ئاماده‌كاری بۆ ڤێ پێشانگه‌هێ ژ لایێ ئینستیوتا كوردی ل پاریس هاتینه كرن، باژێرڤانیا پاریس و كۆمه‌لا ره‌نگ ئارت ئه‌ڤ پێشانگه‌هه رێكخسته و بۆ رووداو گۆت: “19 هونه‌رمه‌ند د ڤێ پێشانگه‌هێ دا د پشكدارن، 14 ژوان وێنه‌كێشن و پێنج ژوان په‌یكه‌رسازن و به‌هره‌پتریا وان ئه‌زنوونه‌كا گه‌له‌ك باش د هونه‌ری دا هه‌یه، هه‌ر ئێك ژ ڤان هونه‌رمه‌ندان دێ ب سێ یان چار كارێن هونه‌ری پشكداریێ د ڤێ پێشانگه‌هێ دا كه‌ت”.
ناڤهاتی ئاماژه دا وێ چه‌ندێ كو هونه‌رمه‌ندێن كورد ل باشوور و رۆژهه‌لات و رۆژئاڤایێ كوردستانێ دێ پشكداریێ د ڤێ پێشانگه‌هێ دا كه‌ن و گۆت: “ئه‌ڤ پێشانگه‌هه دێ ل ژێر درووشمێ (هونه‌رمه‌ندێن كورد ل تاراوگه‌هێ) ل رۆژا 6 كانوونا دووێ یا سالا 2023 هێته ڤه‌كرن و هه‌تا رۆژا 2 شوباتا 2023 دێ یا به‌رده‌وام بیت
