پێشانگه‌هه‌كا شێوه‌كاری بۆ پتری 30 شێوه‌كاران ل دهۆكێ هاته ڤه‌كرن
دهۆك، نه‌وزاد هلۆری:
ب پشته‌ڤانیا لقێ ئێكێ پارتی دیۆكراتی كوردستان، سه‌ندیكا هونه‌رمه‌ندێن كوردستانێ/لقێ دهۆك، ب هه‌ڤكاری ل گه‌ل په‌یمانگه‌ها هونه‌رێن جوان و گرۆپێ هه‌ڤخه‌رچ پێشانگه‌هه‌كا شێوه‌كاری بۆ پتری هونه‌رمه‌ندان ل پاركا نه‌ورۆز ڤه‌كر. (30)
ئه‌ڤین حسێن، سه‌رۆكا سه‌ندیكا هونه‌رمه‌ندێن كوردستانێ/ لقێ دهۆك بۆ رۆژناما ئه‌ڤرۆ گۆت: وه‌كو خزمه‌ت بۆ هونه‌رمه‌ندێن شێوه‌كاری، مه ب فه‌ر دیت پێشانگه‌هه‌كا شێوه‌كاری بۆ هژماره‌كا زۆر ژ شێوه‌كار و هونه‌رمه‌ندێن شێوه‌كاری و قوتابیێن په‌یمانگه‌ها هونه‌رێن جوان ڤه‌كه‌ین دڤێ پێشانگه‌هێ دا هژماره‌كا كه‌ڤالان هاتنه نیشادان و مه‌ره‌م ژێ په‌یداكرنا بازاره‌كێ بوویه بۆ هونه‌رمه‌ندێن شێوه‌كاری كو وه‌كو داهات ده‌ستخوڤه بینن، چنكو ئه‌ڤرۆ ب سه‌دان هونه‌رمه‌ندێن شێوه‌كاری ل كوردستان و دهۆكێ هه‌نه و چه‌ندین كارێن جوان و گرنگ دكه‌ن بۆ هندێ ئێش و ژان و خه‌م و ئازارێن گه‌لێ خوه نیشا بده‌ن.
