پێشانگه‌هه‌ك بۆ 52 قوتابخانێن په‌روه‌ردا ئامێدیێ هاته ڤه‌كرن
ئامێدیێ، مه‌حمود نهێلی
ب به‌رهه‌ڤبوونا وارشین سه‌لمان، ده‌ڤه‌ردارێ ئامێدیێ و وه‌جیهـ سه‌عید مسته‌فا، رێڤه‌به‌رێ په‌روه‌ردا ئامێدیێ و هه‌ژماره‌كا زۆر ژ به‌رپرسێن دام و ده‌زگه‌هێن میری و حزبی و رێكخراوێن جه‌ماوه‌ری و له‌شكری و په‌رله‌مانتار و سه‌رپه‌رشتیار و رێڤه‌به‌رێن قوتابخانان و مامۆستا و قوتابیان پێشانگه‌ها شێوه‌كاری و كارێن ده‌ستی یا په‌روه‌ردا ده‌ڤه‌رداریا ئامێدیێ هاته ڤه‌كرن.
رژیار ئامێدی، به‌رپرسێ چالاكیێن قوتابخانان ل رێڤه‌به‌ریا په‌روه‌ردا ئامێدیێ بۆ رۆژناما ئه‌ڤرۆ دیار كر، ئه‌ڤ پێشانگه‌هه یا سالانه یه، بۆ قوتابخانێن بنه‌ره‌ت و ئاماده‌یی یێن سنوورێ په‌روه‌رده ئامێدیێ دهێته ڤه‌كرن و گۆت: “د پێشانگه‌ها ئه‌ڤ ساله‌دا 52 قوتابخانه پشكدار بووینه و هه‌ژماره‌كا زۆرا تابلۆ و كارێن ده‌ستی یێن قوتابیان هاتینه نیشادان، كو هه‌موو ژلایێ قوتابیان ڤه هاتبوونه دروستكرن”.
