پێشانگەهەكا تایبەت بۆ كچان ل زاخۆ دێ هێتە ڤەكرن
عەلی حاجی:
دلخاز موسا، رێڤەبەرێ رەوشەنبیری و هونەری ل زاخۆ، د دیدارەكێ دا بۆ رۆژناما ئەڤرۆ دیاركر كو ئەڤە دەمەكە ئەو یێ خوە بەرهەڤ دكەن بۆ ڤەكرنا پێشانگەهەكا شێوەكاری و هەموو پشكدارێن وێ پێشانگەهێ بەس دێ كچ بن و هەتا دەه رۆژێن دی دێ یا بەرهەڤ بیت و هەر ژنوكە بەرهەڤیێن خوە بۆ گێڕانا ئاهەنگا سەرێ سالێ ژی دكەین كو دەمێ وێ دەه رۆژن.
ناڤهاتی گۆت: بەری چەند سالان زاخۆ ژ روویێ فەستیڤالێن جۆرا و جۆر ڤە ل ئاستەكێ ژ هەژی نەبوو، بەلێ نوكە سالانە ب كێماسی دو فەستیڤالێن هونەری و كلتۆری دهێتە گێڕان، هەر دئەڤ سالەدا فەستیڤالا شەلوشەپكان ژی هاتە گێڕان و د پلانێ دایە ببیتە سالانە، زێدەباری چەند كار و پرۆژەیێن دی یێن هونەری كو ئەم ب باوەرین هەموو ب پشتەڤانیا ئیدارەیا زاخۆ دێ هێنە بجه ئینان.
