پێشانگەهەكا شێوەكاری ب هەلكەفتا شۆڕەشا ئیلۆنێ هاتە ڤەكرن
شاكر ئەتروشی:
ب هەلكەفتا شۆڕەشا مەزنا ئیلۆنێ و ب چاڤدێریا بەرێز (عەلی عەونی) بەرپرسێ لقێ ئێكێ پارتی دیوكراتی كوردستان و ب پشتەڤانیا لژنا ناوچا دهۆك یا پارتی، دوهی بەری نیڤرۆ پێشانگەهەكا شێوەكاری یا تایبەت بۆ هونەرمەند (هێرش عەبدوللا عەبدولقادر) ل بارەگایێ لژنێ هاتە ڤەكرن و بیست كەڤال د پێشانگەهێ دا هاتبوونە نیشادان و هێرشی د دیدارەكێ دا بۆ رۆژناما ئەڤرۆ دیاركر كو ئەو گەلەكێ كەیفخۆشە دڤێ رۆژا پیرۆز دا پێشانگەها وی هاتیە ڤەكرن و هیڤی خواستن ل سالێن بهێن ئەو پێشانگەهێن باشتر و بهێزتر بڤێ هەلكەفتێ ڤەكەت.
بۆ زانین پێشانگەه ژلایێ پێشمەرگێ دێرین (مەحمود هرۆری) بەرپرسێ دەزگەهێ ئیلۆن و گولانێ دهۆكێ هاتە ڤەكرن و هژمارەكا كارگێرێن لقێ ئێكێ پارتی و چەند بەرپرسێن لژنێن سەر ب سنۆرێ لقێ ئێك و چەند پێشمەرگێن دێرین ل رێورسمێن ڤەكرنا پێشانگەهێ دبەرهەڤ بوون.
