پێشانگەهەك بۆ پتر ژ پێنج هزار قوتابیان هاتە ڤەكرن
ئەڤرۆ
پشكا چالاكیێن قوتابخانان ل رێڤەبەریا پەروەردا دهۆك رۆژهەلات، دوهی 20/2/2023 ب بەرهەڤبوونا عەلی عەونی، ئەندامێ كۆمیتەیا ناڤەندی یا پارتی دیمۆكراتی كوردستان و بەپرسێ لقێ ئێك و ل ژێر چاڤدیریا عومەر عەلی تاها، رێڤەبەرێ گشتی یێ پەروەردا پارێزگەها دهۆكێ و ب بەرهەڤبوونا هەژمارەكا زۆر یا مێهڤان و سەرپەرشتیار و مامۆستا و قوتابیان، پێشانگەها سالانە یا شێوەكاری و كارێن دەستی بۆ قوتابخانەیێن بنەرەت و ئامادەیی ل هۆلا وەرزشی یا ئامادەیا بژارە ڤەكر.
نیوار حەجی، بەرپرسێ پشكا چالاكیێن قوتابخانان ل پەروەردا رۆژهەلات دیار كر كو پێنج هزار و 387 قوتابیان ژ 83 قوتابخانەیان پشكداری د ڤێ پێشانگەهێ دا كریە و كارێ وان ژ لایێ لیژنەكا بسپۆر ڤە هاتە هەلسەنگاندن و گۆت: «ئەڤ سالە پشكداریكرن د پێشانگەهێ دا گەلەكا باشبوو، هەروەسا كارێن باش ژی ژ لایێ قوتابیان ڤە هاتبوونە دروستكرن».
نیواری گۆتژی: «پشتی لیژنا هەلسەنگاندنێ هەلسەنگاندنا كارێ قوتابیان كری، 15 قوتابخانەیێن سەركەفتی هاتنە هەلبژارتن و خەلات ل سەر هاتنە بەلاڤكرن».
