پێشانگەهەك ب هەلكەفتا ریفراندۆما كوردستانێ هاتە ڤەكرن
ب هەلكەفتا سالرۆژا ریفراندوما كوردستانێ، دوهی ل باخچەیێ لژنا ناوچا ئازادی یا پارتی پێشانگەهەكا فوتوگرافی بۆ هونەرمەندێ شێوەكار و فوتوگرافەر جوتیار باجلوری هاتەڤەكرن و پێشانگەه بۆ رۆژەكێ یا بەردەوام بوو.
هونەرمەندێ ناڤهاتی بۆ ئەڤرۆ گۆت: ئەڤە پێشانگەها من یا دوێ یا تایبەت و ژ بیست و پێنچ وێنەیان پێكهاتیە و پتریا وێنەیان ژی دەربرینێ ژ سرۆشتێ كوردستانێ دكەن من بیست و پێنچ وێنە هەلبژارتن ژ بەر سالڤەگەرا ریفراندومێ و هەموو وێنەژی ب چاڤكێ كامیرا من هاتینە گرتن و پتری بیست پێشانگەهێن ب كوم من پشكداری كریە.
دیاركر كو ب چێكرنا كەڤالی شێوەكار هەست و سوزێن خوە دەربریت چ ب رێیا رەنگان، یان فیگەران بیت، بەلێ پەیاما فوتویێ ژیوارەكێ ڤەشارتیە و فوتوگرافەر نیشاندەت.
