پێشانگەهەکا شێوەکاری ل ئاکرێ هاتە ڤەکرن
ئه‌ڤرۆ نیۆز، سه‌باح زوهێر:
ئه‌ڤرۆ ل قه‌زا ئاكرێ په‌یمانگه‌ها هونه‌رێن جوان ب چه‌ندین تابلویێن جوان چالاکیەک سازکر کو ژلایێ قوتابیێن په‌یمانگه‌هێ ڤە چەندین تابلویێن گرێدای ئاینی هاتنن نمایشکرن.
هاریكارێ رێڤه‌رێ په‌یمانگه‌ها هونەرێن جوان ل ئاکرێ زەیا ئاكره‌یى بۆ ئه‌ڤرۆ نیوز گوت، كو ئه‌ڤرۆ ب درێژاهیا چالاكیێن په‌یمانگه‌ها هونه‌رێن جوان مه پێشانگه‌هه‌كا شێوه‌كارى ڤه‌كر كو تێدا چه‌ند بابه‌تێن جودا جودا ئاماده‌كرینه ب ده‌ستێ قوتابیان ژ وان بابه‌تان ژى تایبه‌تى زه‌خره‌فه وده‌ست نڤیسین، ژبه‌ر كو هونه‌رى گرێدانه‌كا هه‌ى دگه‌ل هه‌مى بوارێن ژیانێ كو ئه‌ڤه ژى ببیته پالده‌ره‌ك كو هنده‌ك سنور بهێنه شكاندن،چونكى هه‌تا نوكه هنده‌ك ب وى چاڤى به‌رێ خوه ده‌ن هونه‌رى كو ژلایێ هونه‌رى ڤه دژایه‌تیا دینى یا هاتیه‌كرن، ل ڤێره دێ ئه‌و راستى دیاربیت كو هونه‌رى گرێدانه‌ك یا هه‌ى دگه‌ل هه‌مو دینه‌كێ. هه‌روه‌سا ژلایێ خوڤه رێڤه‌به‌رێ ئه‌وقافا قه‌زا ئاكرێ ده‌ست خوشى ل كارێ وان قوتابیان كر و گۆت كاره‌كێ جوان هاتیه‌كرن كو هه‌ر ژ كه‌ڤندا دینى دا گرنگى ب تابلویان هاتیه‌دان كو ئه‌ڤه پێنگاڤه‌ك باشه و دڤێت په‌یمانگه‌ها هونه‌ری هه‌رده‌م ب زیندى بمینیت.
