پێشانگەهەکا چار قولی یا شێوەکاری ل زاخۆ هاتە ڤەکرن
ئەڤرۆ نیوز،عەلی حاجی :
ل بن دروشمێ رەنگ و خەملا زڤستانێ پێشانگەهەکا شێوەکاری یا چار قولی بۆ چار هونەرمەندان ل باژێرێ زاخۆ هاتە ڤەکرن.
دلخاز موسا رێڤەبەرێ رێڤەبەریا رەوشەنبیری و هونەری ل زاخۆ بۆ ئەڤرۆ نیوز گۆت : ئەڤ پێشانگەهە تایبەت بوو ب وەرزێ زڤستانێ ڤە وەکو ئامادەکاریەک بۆ ڤیستەڤالا شێوەکاری یا نێڤ دەولەتی زاخۆ ئەوا بریارە هەیڤا شەش یا ئەڤ سالە بهێتە ئەنجام دان و د ڤێ پێشانگەهێ دا وێنەیێن هەر ئێک ژ هونەرمەندان کەلحی نعمەت و موسلم ئەحمەد و فارس تەمەر و محەمەد سالح هاتنە نیشاندان کو هەر هونەرمەندەکێ ب پێنچ تابلویان پشکداری ڤێ پێشانگەهێ دا کربون و هەکە پشتەڤانی بەردەوام بیت د بەرنامەیێ مەدایە ڤان جورێن پێشانگەهان ل هەمی وەرزێ سالێ ڤەکەین و ئەم دخازین ب ڤەکرنا ڤێ پێشانگەهێ ئەو چالاکیێن کێمێن هونەری و رەوشەنبیری ل زاخۆ هەین بەرەڤ زێدە بونێ ڤە ببەین د سالا ٢٠٢٠ دا.
گوت ژی : ئەڤ پێشانگەهە ژلایێ رێڤەبەریا رەوشەنبیری و هونەری ڤە ل زاخۆ ب هەڤکاری دگەل گەلەریا زاخۆ هات بوو ڤەکرن و ئەم ب هێڤی نە د سالا ٢٠٢٠ دا بزاڤا هونەری و رەوشەنبیری ل زاخۆ باشتر ببیت.
