پێشانگەھا شەھیدێن پەیڤا ئازاد ل مووسل دھێتە ڤەکرن
ئەڤرۆ نیۆز، بارزان مزووری:
سکرتێرێ سەندیکا رۆژنامەڤانێن کوردستانێ لقا مووسل ئاشکرا کر کو ئەو رۆژنامەڤانێن د شەرێ تیرۆری دا شەھید بووین یێن ھەر دو سەندیکایێن کوردستانێ و بەغدا بو ئێکەم جارە دھێنە نمایشکرن د پیشانگەھەکێ دا.
ئەکرەم سلێمان سکرتێرێ سەندیکا رۆژنامەڤانێن کوردستانێ لقا مووسل بۆ ئەڤرۆ نیوز گوت: (ئەم یێ کاری ل سەر ڤەکرنا ئێکەم پیشانگەە دناڤ سەنتەرێ باژێرێ مووسل دا بناڤێ پیشانگەھا “شەھیدێن پەیڤا ئازاد” دکەین ب ھاریکاریا ئەنجوومەنێ پارێزگەھا مووسل).
زێدەتر گوت: (دڤێ پیشانگەھێ دا وێنەیێن شەھیدێن رۆژنامەڤان یێن سەر ب سەندیکا رۆژنامەڤانێن کوردستانێ و سەندیکا رۆژنامەڤانێن بەغدا دێ هێنە نیشا دان و ئەڤە ژی وێ دگەھینیت کو چ جوداھی دناڤبەرا رۆژنامەڤانێن مە ویێن وان دا نینە).
ئەکرەم سلێمان گوت ژی بتنێ ل شەرێ تیرۆرستێن داعش ٧ رۆژنامەڤانێن مە ھاتینە شەھیدکرن ژبلی وان یێن بەری شەرێ داعش.
