پێشبینیا دیدارێن ب هێز د پشككێشانا چامپیۆنزێ دا دهێته كرن
ئهڤرۆ،
ههموو حهز ژێكهرێن وهرزشی و یاریا تهپاپێی چاڤهڕێ نه سوبههی ل دهمژمێر نههێ شهڤ بۆ دیتنا پشككێشانا قارهمانیا یانێن ئۆرۆپا قارهمانێن خولا چامپیۆنز لیگ ئهوا دێ ب پشكداریا 32 یانێن ئۆرۆپا ل باژێرێ ئستهنبۆلا توركیا هێته ئهنجامدان وبڕیاره یاریا دووماهیا قارهمانیێ ژی مێڤانكهت.
د پشككێشانا وهرزێ 2022-2023ێ پێشبینی دهێته كرن چهند یانێن مهزن ئۆرۆپا ل قۆناغا كۆما بكهڤنه بهرئێك ئهوا بڕیاره بۆ جارا ئێكێ یه ژڤانێ یاریێن گهڕا ئێكێ بۆ حهفتیهكێ بهێته پێشڤهبر كو ژ 14ێ بۆ شهشێ ئهیلۆنا بهێت ئهوژی ژبهر ژڤانێ دهستپێكرنا مۆندیالا جیهانی 2022 ل قهتهر.
سیستهمێ پشككێشانێ
ل دووڤ رێكخهرێن قارهمانیێ یانێن پشكدار دێ هێنه بلاڤكرن ل سهر چار ئاستا و ناڤێن وان بۆ چار كۆپێن مهزن یێن شیشهیی هێنه دانان ب مهرجهكی نابیت دو یانه د ئێك كۆپك دا بكهڤنه بهرئێك د كۆمهكێ دا د دهمێ پشككێشانێ و دێ هێته دووبارهكرن و ههمان شێوه د پشككێشانا قۆناغا ههشتێ ژی دا هێته بجهئینان و یانێن پشكدار ئهو ژی.
كۆپكا ئێكێ: ریال مهدرید، مانچستهر ستی، بایرن میونخ، ئهی سی میلان، ئانتراخت فرانكفۆرت، پاریس سانجێرمان،پۆرتۆ، ئهیاكس ئهمستردام.
كۆپكا دویێ: لیڤهرپۆل، چێلسی، تۆتنهام، بهرشهلۆنا، ئهتلهتیكۆ مهدرید، سیڤییا، یۆڤانتۆس، لایبزیگ.
كۆپكا سێیێ: رێدبۆل سالزبۆرگ، بورۆسیا دۆرتمۆند، بایرن لیڤهركۆزن، شاختار دۆنێتسك، ئهنترمێلان،ناپۆلی، سپۆرتینگ لهشبۆنا، مارسێلیا.
كۆپكا چارێ:كلۆپ برۆچ، سێلتیك و بڕیاره ئهڤرۆ سێ یاری بهێنه كرن ل گهل سێ یانێن دی ئهوێن دهربازبوویی بهێنه زێدهكرن كو هژمارا وان شهش یانه نه.
