پێشبینی دهێتە كرن رێژەیا گەشتیارێن بیانی بۆ ئاكرێ زێدە ببیت
رەمەزان زەكەریا:
سالانە ل رۆژێن نەورۆزێ هەژمارەكا مەزن یا گەشتیاران سەردانا ئاكرێ دكەن، بۆ دیتنا خەتیرێن هەلكرنا ئاگری و كەرنەڤالا نەورۆزێ.
ئەمین سەلیم، رێڤەبەرێ گەشتوگوزارا ئاكرێ بۆ ئەڤرۆ گۆت: «ئاكرێ ب پایتەختێ نەورۆزێ هاتیە ناسین، لەورا پێشبینی دكەین، ئەڤ سالە هەژمارا گەشتیارێن بیانی بۆ ئاكرێ زێدە ببیت».
گۆتژی: «پار ژ بەر رەوشا كەشوهەوای و مەها رەمەزانێ هەژمارا گەشتیاران 75 هزار بوون، لێ سالا بەری وێ 100 هزار گەشتیاران سەردانا ئاكرێ كربوو، بۆ دیتنا كەرنەڤالا نەورۆزا ئاكرێ».
ناڤهاتی خویاژی كر، هەموو بەرهەڤی هاتینە كرن و رێبەرێن گەشتیاری ل بازگەهان ل سەر گەشتیاران دێ هێنە بەلاڤكرن.
