پێشكێشكرنا هەر بەرنامەیەكی نە كارەكێ ب ساناهی یە
شاكر ئەتروشی:
سیپەل ئازاد شەریف، پێشكێشكارا بەرنامێ (دلۆپ) ل دەزگەهێ سەتەلایتا كوردستانێ، د دیدارەكێ دا بۆ رۆژناما ئەڤرۆ گۆت: ئەز ژدایكبوویا پازدەی تەباخا 1991مە و دژیەكێ بچووكدا حەزا كاركرنێ دبۆارێ ل راگەهاندنێ دا ل دەف من چێبوو، ل 2022 دەلیڤە بۆ من چێبوو ئەز چوومە كەنالێ (ATV) و من بەرنامێ (گەنج و ئایندە) پێشكێشكر، نەه خەلەكە ژوی بەرنامەی هاتنە پێشكێشكرن و ل 2023 ئەز هاتمە نڤیسینگەها كەنالێ كوردستان تیڤی ل دهۆكێ و نوكە پێشكێشكارا بەرنامێ (دلۆپ)م، نەه خەلەك ژڤی بەرنامەی ژی هاتینە بەخشكرن و خەلەكا دەهێ دێ ل حەفتیا بهێت بیت.
سیپەلێ گۆت: پێشكێشكرنا هەر بەرنامەكی نە كارەكێ ب ساناهی یە و زەحمەت و ماندیبوون پێ دڤێت، لێ ب هاریكاریا ستافێ بەرنامەی ئەم د دلخۆشین دپێشكێشكارنێ دا، هەروەسا هاریكاری و پشتەڤانیا مالێ و هندەك هەڤالان دبیتە هاندەر كو ئەز یا بەردەوام بم و هیڤیا من ئەوە ئەز بشێم ل پاشەرۆژێ بەرنامەیێن باشتر و بهێزتر پێشكێش بكەم.
ل دووماهیێ گۆت: گەلەك ئافرەت ل باژێرێ مە هەنە حەزدكەن ل شاشێ دەركەڤن و خزمەتا راگەهاندنا كوردی بكەن، لێ دو ئەگەر هەنە كو نەشیێن، یا ئێكێ هندەك دایك و باب نە دهاریكارن و یا دویێ ژی پشتەڤانی و رێخۆشكرن ل وان ناهێتە كرن كو بهێن رۆلێ خوە بببینن و هیڤیا من ئەوە د ئەڤ سالەدا پتر ئافرەت بهێنە پێش و رۆلەكێ كاریگەرتر دناڤ دەرزگەهێن راگەهاندنێ دا ببینن.
