پێشكەفتنا تەكنۆلۆژیایێ ژەنینا ئۆرگێ ب ساناهیتر لێكریە
بێوار حەمدی
مۆزیكژەن (بەرەڤان ئەحمەد) د دیدارەكێ دا بۆ رۆژنامەیا ئەڤرۆ گۆت: دژیەكێ بچووك دا من حەزژ مۆزیكێ دكر و ئەڤە (16) سالن ئەز ئۆرگێ دژەنم، هەروەسا من شارەزایی د ژەنینا ( پیانۆیێ و عودێ و سازێ و ئارانجۆرێ) ژی هەیە، لێ پتر حەزژ ئۆرگێ دكەم، ژبەركو ئۆرگ بوویە ئەگەرەك كو پتر مێشكێ خۆ بدەمە كاری و داهێنانێ بكەم.
هەروەسا گۆت: د بەرێ دا ژەنینا ئۆرگێ یا سنۆردار بوو، هەروەسا تۆنێن چارەك ژی بۆ ژەنیناری كارەكێ ب ساناهی نەبوو، لێ پشتی پێشكەفتنا تەكنۆلۆژیایێ ژەنینا ئۆرگێ ب ساناهیتر لێكریە و ب شاشەیەكا رەنگین دشێت بتنێ ئاهەنگێ ب رێڤەببەت و خۆشیا ئۆرگێ ئەوە دەنگێن ئامیرەیێن تێكەلكری تێدا هەنە و هەموو رتمێن جیهانی ژی بكار دئینن، لێ ب مخابنی ڤە هەتا نوكە ل كوردستانێ چ گرنگی ب مۆزیكێ و مۆزیكژەنان ناهێتە دان.
