پێشمه‌رگه‌كى دووماهى ب ژيانا خوه ئينا
ئه‌ڤرۆ نيوز، عه‌زيز هه‌ورامى:
پێشمه‌رگه‌كێ حزبا كۆمه‌لا شوره‌شگێرى زه‌حمه‌تكێشان ل زرگۆێت، باره‌گايێ سه‌ره‌كى يێ حزبا كۆمه‌لا شوره‌شگێرا زه‌حمه‌تكێشێن رۆژهه‌لاتێ كوردستانێ ب گۆله‌كێ دووماهى ب ژيانا خوه ئينا.
د راگه‌هاندنه‌كێ دا پۆليسێن رێڤه‌به‌ريا پۆليسێن سلێمانيێ كو كۆپيه‌ك بۆ ئه‌ڤرۆ نيوز ره‌وانه كريه تێدا هاتيه كو سپێده‌هيا ئه‌ڤرۆ 5ى ئيلۆنا 2018ێ پێشمه‌رگه‌كێ حزبا كۆمه‌لا شوره‌شگێرى زه‌حمه‌تكێشێن كوردستانێ- ئيران ل به‌ره‌گايێ حزبێ ل گۆندێ زرگۆێزه‌له ل سنورێ پارێزگه‌ها سلێمانيێ گيانێ خوه ژ ده‌ست دا.
پشتى ئاگه‌هداركرنا پۆليسان، هێزێن وان گه‌هشتينه جهێ روودانێ و تيمێن پشكا پۆليسێن به‌لگێن تاوانان ته‌رمێ پێشمه‌رگه‌يى ره‌وانه‌يى نوشداريا داد ل باژێرێ سلێمانيێ كريه و ب گۆره‌يى پێزانينێن سه‌ره‌كى دبيت دووماهى ب ژيانا خوه ئينا بيت و نيشانێن فيشه‌كێ ل سه‌ر لاشێ وى يا ديار بوو.
