پێشمهرگهیێ شورهشا ئیلون وگولانێ، موسا هێتوتى وهغهر كر
ئهڤرۆ نیوز، مهحمود نهێلى
كادر و پێشمهرگهیێ ههردوو شورهشێن ئیلون و گولانێ و ئێك ژ ئهفسهرێن سوپایێ بارزان موسا هێتوتى ل شهڤا 19/8/2015 پشتى ههڤركیهكا دژوار ل گهل نهخوشیێ ژ ئێك ژ نهخوشخانهیێن ئهلمانیا وهغهرا داویێ كر.
عیمام موسا كورێ خودێ ژێ رازى بۆ ئهڤرۆ نیوز دیاركر، كو بهرى چهند سالان بابێ وى توشى نهخوشیهكا گران ببوو و ژ بهر وێ یهكێ ژى بۆ دهرڤهى وهلاتى هات بوو هنارتن و ئهڤه چهندین ساله ل نهخوشخانهیێن ئهلمانیا چارهسهرى بۆ دهێـته كرن و گۆت: ( مخابن ل شهڤا 19/8 ژ ئهگهرێ وان نهخوشیان ل نهخوشخانهیا (ئونى كلینیك كیێل) وهغهرا داویێ كر و خاترسا خوه ژ ههڤال و كهس و كارێن خوه خواست).
ناڤبرى دیاركر، ژ بهر كو خودێ ژێ رازى ئهفسهر بوویه سهر ب فهرماندا بارزان ڤه، نها ژلایێ فهرماندا ناڤبرى بهرههڤى دهێنه كرن بۆ ڤهگوهستنا جهنازێ وى ب رێكا فروكهخانا ههولێرێ بۆ جهێ بابو و باپیران و گۆت: (خودێ ژێ رازى وهك كادهركێ شورهشێن ئیلونێ گولانێ، كهسهكێ جهێ باوهریێ بوویه ل دهڤ بارزانیێ نهمر و ل سالا 2012 ژلایێ لقێ 18 یێ پارتى دیموكراتى كوردستان ڤه باوهرناما رێزلێنانێ پێ هاتیه بهخشین).
و ئاشكرا كر پشتى گههشتنا جهنازێ وى بۆ كوردستانێ دێ ل گورستانا گوندێ هێتوتێ هێته ڤهشارتن.
