پێشمه‌رگه دێ فێری خوپاراستن و نیاسینا چه‌كێ كێمیایى بن
ئه‌ڤرۆ نیۆز ، ره‌مه‌زان هه‌رنى :
رائید ئیسلام چالى , فه‌رماندێ سریا به‌ره‌ڤانیا كێمایى ل وه‌زاره‌تا پێشمه‌رگه‌ى بۆ ئه‌ڤرۆنیۆز دیاركر ,سریا به‌ره‌ڤان چه‌كێ كێمایى چه‌ندین خول و ب رێڤه‌چۆینه و پێشمه‌رگه تێدا فێرێ خو پاراستن و ناسینا چه‌كێ كێمایێ بۆینه ئه‌ڤ خوله بۆ پێشمه‌رگه‌ى ژ هه‌رتشتى گرنكترن ژبه‌ركو ل ده‌مێ بۆرى پێشمه‌رگه‌ى شاره‌زایێ ل چه‌كێ كێمایى نه‌بۆ به‌لێ پشتى ل چه‌ندین خولا پشكدار بۆى شاره‌زایه‌كا ته‌مام دروست بۆه ژ لایێ پێشمه‌رگه‌ى ڤه.
ناڤبرى گوتژى : ل ده‌مێ دامه‌رزاندنێ هه‌تا نوكه سریا به‌ره‌ڤانیا كێمایێ پشكدارى چه‌ندین خولا كریه ل هه‌ولێرێ و به‌غدا و ئه‌لمانیا ب سه‌ر په‌رشتیا ماموستایێن ئه‌مریكى و ئه‌لمانى و سویدى و به‌لێ سوپایێ ئه‌لمانیا پتر ژ هه‌میا مه‌شق و راهێنان ب پێشمه‌رگه‌یان كرینه تایبه‌ت سریا به‌ره‌ڤانیا كێمایى هه‌تا نوكه ژى به‌رده‌وامن تایبه‌ت ل بوارێ مه‌شقا چه‌كێ كێمایى .
ئیسلام چالى ته‌كه‌ز كر : حه‌فتیا داهاتى ژماره‌یه‌كا ئه‌فسه‌رو پێشمه‌رگه‌یێن لیوایێن پێشمه‌رگه‌ى ل وه‌زاره‌تا پێشمه‌رگه‌ى دێ پشكدارى خوله‌كا ده‌م درێژ دا كه‌ن بۆ ده‌مێ 4 هه‌یڤا ژلایێ شاره‌زاییێن بۆارێ كێمایێ ل سوپایێ ئه‌لمانیا كو ب تیورى وپراكتیكى دێ مه‌شق و راهێنان ب پێشمه‌رگه‌یان هێنه كرن ل دور چه‌وانیا ناسین و خوپاراستنێ ل چه‌كێ كێمایى .
سریا به‌ره‌ڤانیا كێمایى ل وه‌زاره‌تا پێشمه‌رگه‌ى پشكه‌كا نوویه سالا 2016 ێ هاتیه دامه‌زراندن به‌رده‌وام مه‌شق و راهێنانا ب پێشمه‌رگه‌ى دكه‌ت ل وارێ چه‌كێ كێمایێ دا.
