پێشمه‌رگه راهێنان ل سه‌ر دووربینێن شه‌ڤێ دكه‌ت
ئه‌ڤرۆ:
راگه‌هاندنا وه‌زاره‌تا پێشوه‌رگه‌ی دیار كر، سه‌رۆكاتیا هه‌رێما كوردستانێ دووربینێن شه‌ڤێ (حه‌راری) بۆ هێزێن پێشمه‌رگه‌ی دابینكرینه و دوهی پێشمه‌رگه‌ی راهێنان ل سه‌ر وان دووربینان ده‌ستپێكرن.
راگه‌هاندنا وه‌زاره‌تا پێشوه‌رگه‌ی ئاماژه ب وێ چه‌ندێ ژی كریه كو پشتی سه‌رۆكاتیا هه‌رێما كوردستانێ ئه‌و دووربینێن شه‌ڤێ (حه‌راری) بۆ هێزێن پێشمه‌رگه‌ی دابینكرین، ل سه‌ر هه‌موو میحوه‌رێن پێشمه‌رگه‌ی و لیوا و یه‌كه‌یێن سه‌ربازی هاتنه به‌لاڤكرن.
ئاشكرا ژی كریه، ب مه‌ره‌ما دروست بكارئینانا وان و مفا وه‌رگرتن ژ وان دووربینان، دوهی 12/12/2021 خوله‌كا مه‌شق و راهێنانێ ل سه‌ر چاوانیا بكارئینانا وان دووربینێن شه‌ڤێ (حه‌راری) ب پشكداریا نوونه‌رێن لیوایێن پێشمه‌رگه‌ی هاته ئه‌نجامدان.
