پێشمهرگه ل گورهی قانوونێ دێ هێنه خانهنشینكرن
ههولێر، قائید میرۆ:
ئهندامهكێ لژنا پێشمهرگهی دیار كر، خانهنشینكرنا هێزێن پێشمهرگهی هاتیه رێكخستن و ههر پێشمهرگهیهكێ مهرجێن قانوونی تێدا ههبن ماف ههیه داخوازا خانهنشینكرنێ بكهت، بهروڤاژی خانهنشینا ب زۆری پێشمهرگهی ڤهناگریت.
سهعید ههركی، ئهندامێ لژنا پێشمهرگهی ل پهرلهمانێ كوردستانێ بۆ رۆژناما ئهڤرۆ دیار كر، خانهنشینكرنا ب زۆری هێزێن پێشمهرگهی ڤهناگریت و قانوونا 38 یا خانهنشینكرنا پێشمهرگهی ههیه و گۆت: “ل گورهی ئهڤێ قانوونێ ههر پێشمهرگهیهكێ ژییێ وی بگههیته 45 سالیێ و 15 سالێن خزمهتێ ههبن ماف ههیه داخوازا خانهنشینكرنێ بكهت، بهلێ ب ئهگهرێ شهڕێ داعشێ ئهو قانوون هاتیه راگرتن”.
سهعید ههركی گۆتژی: “نوكه رهوشا ههرێما كوردستانێ یا گونجایه بۆ ڤێ چهندێ قانوونا هژمار 38 بهێته بجهئینان و پێشمهرگهیێن مهرجێن قانوونی تێدا ههبن خوه خانهنشین بكهن، بهلێ ئێك ژ وان مهرجێن خانهنشینا پێشمهرگهی ئهڤه، پێدڤیه جهێ پێشمهرگه تێدا خزمهتێ دكهت پهسهندهكێ بدهتێ، كو پێدڤی ب ئهڤی پێشمهرگهی نهبیت و بهروڤاژی ئهگهر ڤالاهیێ چێكهت ناهێته خانهنشینكرن”.
