پێشمه‌رگێ شۆڕه‌شێن ئیلۆن و گولانێ شه‌ریف عومه‌ر شه‌ریف وه‌غه‌ر كر
ئه‌ڤرۆ:
پێشمه‌رگێ شۆڕه‌شێن ئیلۆن و گولانێ عه‌قید (شه‌ریف عومه‌ر شه‌ریف سندی) ل شه‌ڤا 30 ل سه‌ر 31/5/2022 وه‌غه‌ر كر، خودێ ژێرازی وه‌كو فه‌رمانده و كادره‌كێ پارتی دیموكراتی كوردستان رۆله‌كێ به‌رچاڤ د كارێ رێكخستنێ دا هه‌بوو ل گه‌ل لقێ 8 یێ پارتی و ئاكنجیێ باژێرێ زاخۆ بوو.
خودێ ژێرازی ل سالا 1956 ژ دایك بوویه و ل سالا 1974 – 1975 د ده‌مێ شۆڕه‌شا ئیلۆنێ دا بوویه پێشمه‌رگه ل گه‌ل به‌ته‌لیۆنا 1 كاردۆخ یا تایبه‌ت، د شۆڕه‌شا گولانێ دا ل سالا 1979 هه‌تا 1984 جێگرێ به‌ته‌لیۆنا شه‌هیدێ فه‌رمانده (درباس كه‌له‌ش) بوو، ل سالا 1988 ئاواره‌ی وه‌لاتێ توركیا بوو و ل ئوردیگایێ (مێردین)ێ ئاكنجیبوو، ل سالا 1991 ڤه‌گه‌ڕیا كوردستانێ.
خودێ ژێرازی د كاروانێ خوه یێ پێشمه‌رگاتیێ دا پشكداری د گه‌له‌ك شه‌ڕان دا دژی داگیركه‌رێن كوردستانێ دا كریه و چار جاران ژی بریندار بوویه، دیسا گه‌له‌ك به‌رپرسیاره‌تی و پله وه‌رگرتینه، ل سالا 2014 هه‌تا 2022 فه‌رماندێ فه‌وجا 8 بوو ل گه‌ل سۆپایێ 4 سه‌ر ب فه‌رمانده‌یا دهۆكێ ڤه و ب پلا عه‌قید یێ به‌رده‌وام بوو ل سه‌ر كارێ خوه، هه‌تا ل شه‌ڤا 30 ل سه‌ر 31/5/2022 وه‌غه‌ر كری.
