پێشمەرگەکێ شۆرەشا گۆلانێ وەغەرکر

ئەڤرۆ نیۆز،زنار تۆڤی:

پێشمەرگێ شۆرەشا گۆلانێ فەرید عەلی مەندی ل رۆژا 22.11.2017 ل وەلاتێ ئەلمانیا ب ئەگەرێ نەخۆشیەکا گران چوویە بەر دلۆڤانیا خودێ و ئەڤرۆ ل گۆرستانا هلدس هایم ل ئەلمانیا هاتە ڤەشارتن.

فەرید عەلی مەندی ل سالا 1960 ل کەرکووکێ ژ دایک بوویە و خەلکێ دەڤەرا نێروە بوویە یا سەر ب قەزا ئامێدیێ ڤە،ناڤهاتی ل سالا 1983 بوویە پێشمەرگە و پەیوەندی ب شۆرەشا گۆلانێ کریە،سەر ب رێکخراوا شەهید نەزمی ڤە بوویە،کو سەر ب هێزا حسو میرخانی ڤەبوو،هەروەسا ناڤهاتی پشکداری د چەندین شەر و داستانان دا کریە ل دەڤەرا قەرەداغ و شەرێ خواکورکی و سنۆرێ لقا ئێک ژی،چەندین داستان تۆمارکرینە.

فەرید عەلی مەندی بەرپرسێ نڤێسینگەها رێکخستنا پارتی بوو ل گرێ باسێ دناڤبەرا سالێن 1995_1997 .
پاشی ل سالا 1997 چوویە وەلاتێ ئەلمانیا،تۆشی ئێشەکا گران ببوو،ل ئێڤاریا 22.11.2017 چوویە بەر دلۆڤانیا خۆدێ و ل گۆرستانا هلدس هایم ل ئەلمانیا هاتیە ڤەشارتن.

کۆمێنتا تە