پێشمەرگەیێ هەردو شۆڕەشێن ئیلۆن و گولانێ و هەلگرێ مەدالیا بارزانیێ نەمر خالد شلی مالئاڤایی كر
سیداد بارزانی ب نوونەراتیا جەنابێ سەرۆك بارزانی و فازل میرانی، بەرپڕسێ دەستەیا كارگێریا مەكتەبا سیاسی یا پارتی و فەرماندە مەنسور بارزانی ب هەڤالینیا سەربەست لەزگین، ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهـۆكێ پشكداری د بەهـیا پێشمەرگەیێ شۆڕەشا ئیلۆن و گولانێ و هەلگرێ مەدالیا بارزانیێ نەمر خودێ ژێ رازی ”خالد شلی” دا ل گوندێ دووشیڤانێ كر.
بەرێز شێخ ”سیداد بارزانی” بەهـیداری و هەڤخەمیا جەنابێ سەرۆك بارزانی گەهـاندە مالباتا خودێ ژێ رازی خالد شلی و هەروەسا هیڤیا سەرساغیێ و تەمەن درێژیێ بۆ مالباتا خودێ ژێ رازی خواست.
دیسا هەر دوهی 30/9/2025 سەربەست لەزگین ئەندامێ مەكتەبا سیاسی و بەرپرسێ مەكتەبا رێكخستنا پارێزگەها دهۆكێ یا پارتی دیموكراتی كوردستان ب نوونەراتیا جەنابێ سەرۆك ”مەسعود بارزانی” پشكداری د رێورەسمێ ڤەشارتنا تەرمێ پێشمەرگێ هەردو شوڕەشێن ئیلۆن و گولانێ و هەلگرێ مەدالیا بارزانیێ نەمر و كەسایەتیێ بەرنیاسێ بەهـدینان و كوردستانێ خۆدێ ژێ رازی ”خالد شلی ” دا ل گۆڕستانا گوندێ دووشیڤانێ كر
د ڤێ رێورەسمێ دا هەرئێك ژ حەمید عەلی و سەباح بەیتوللا هاریكارێن بەرپرسێ مەكتەبێ و د. عەلی تەتەر، پارێزگارێ دهۆكێ و هەژمارەكا دیار یا بەرپرسێن حزبی و حكومی و لەشكری و ئیداری و هەروەسا كەسایەتیێن ئولی و جڤاكی تێدا پشكداربوون.
خودێ ژێ رازی خالد شلی، كەسایەتیەكێ وەلاتپارێزێ بەهدینان و كوردستانێ بوو، هەروەسا فەرماندێ هەردو شوڕەشێن ئیلۆن و گولانێ و هەلگرێ مەدالیا بارزانیێ نەمر بوو و هەمی ژییێ خۆ بۆ خزمەتا گەل و وەلاتێ خۆ تەرخانكربوو.
