پێشمەرگەیەک ناڤێ ئێکەم زارۆیێ خوە دکەتە سەرخوەبوون
ئەڤرۆنیوز،رێژین نهێلی:
پشتی کو رۆژا ریفراندۆما سەرخوەبوونا کوردستانێ هاتیە دیارکرن،هەر ئێکێ ب هەستەکێ جودا دەربرین و کەیف خوەشیا خوە دەربری،پێشمەرگەیەکێ قارەمان یێ بناڤێ محەمەد رەشید مزیری کو ئاکنجیێ باژێرێ دهوکێ یە و ماوێ سالەکێ یە هەڤژینی پێکئینای،پشتی ئێکەم زارۆیێ وی هاتیە سەر دونیایێ کو کور بوویە،ناڤی وی کریە سەرخوەبوون.
هەروەسا وی پێشمەرگەی بەری ژدایکبوونا زارۆیێ خوە ناڤێ وی کریە سەرخوەبوون و دبێژیت:دەمێ نۆشداران گۆتی زارۆیێ تە کورە من ئێکسەر ئەڤ ناڤە دانا سەر و ژبەر گرنگیا رۆژا سەرخوەبوونا کوردستانێ،چونکی 25.9 رۆژەکا مێژوویی یە بۆ مللەتێ مە.
هەروەسا گۆت ژی:هیڤیا من ئەوە ئەم هەموو ب دەنگێ بەلێ ل گەل دەنگێ سەروک بارزانی هەلگرێ ڤێ پەیاما پیرۆز دەنگی بۆ سەرخوەبوونا کوردستانێ بدەین و ڤێ دەستکەفتێ ژ دەست نەدەین.