پێشمەرگە سەرێ لیستا خولا ئیراقێ پاراست
ئەڤرۆ
قەیس وەیس:
تیما ڤۆلی بۆلا یانەیا پێشمەرگە سەرێ لیستا قۆناغا دویێ و چارگۆشەیا زێرین یا خولا پلا نایابا ئیراقێ پاراست پشتی ب سەركەفتی ل سەر یانەیا غاز ئەلجنۆب ب سێ كۆما بێ بەرانبەر د هەڤڕكیێن واندا ئەوا ل باژێرێ سلێمانیێ هاتیە ئەنجامدان.
تیما پێشمەرگە شیا سەرێ لیستێ ژ هەڤڕكا خوە غاز ئەلجنوب وەربگریت و پێنگاڤەكا باش بۆ دەستڤە ئینانا ناسناڤێ خولێ پاڤێژیت بەری دەستپێكرنا قۆناغا سێیێ و دووماهیێ ئەوا بڕیارە ئەڤركیێن وێ سوبەهی ل هەولێرا پایتەخت بهێتە ئەنجامدان، یانەیا غاز پاشڤە چوو رێزا دویێ و شورتە یا بەغدایی ل رێزا سێیێ و هەولێر رێزا چارێ دهێت، سلاح كانەبی راهێنەرێ یانەیا پێشمەرگە دیار كر ئەو رژدن بۆ قۆناغا سێیێ بەردەوامیێ بدەنە پاراستنا سەرێ لیستێ و نە ڤەشارت ژی كو ئەركێ وان ب سانەهی نابیت تایبەت هەرسێ یانەیێن دی خودان باشترین یاریزانێن هەلبژارتیێ ئیراقێ نە.
