هاتيه نووكرن: پۆليسێن فيدرال چوونه ناڤ حه‌مام عه‌ليل
ئه‌ڤرۆ نيوز:
شه‌ر د ناڤبه‌را سۆپايێ عيراقێ و چه‌كدارێن داعش ل ناڤ گۆگجه‌لى يێ به‌رده‌وامه و هه‌ڤده‌م فه‌رمانده‌كێ فرقا زێرى دبێژيت ب كونترۆلكرنا باره‌گايێ تله‌ڤزيۆنا مووسليه، چووينه ناڤ تاخێ ئێكێ يێ باژێرێ مووسل، دژى تيرۆر ژى يا نێزيكى تاخێن كه‌رامه و قودس بووى.
سۆپايێ عيراقێ دڤێت گۆگجه‌لى ب ته‌مامى ژ ده‌ستێ چه‌كدارێن داعش پاقژ بكه‌ت و پاشان به‌ر ب تاخێن دى بچن.
ژ لايه‌كێ دى ڤه تۆڕا راگه‌هاندنا شه‌رى يا سه‌ر ب حوكمه‌تا عيراقێ ڤه راگه‌هاند كو نوكه هێزێن پۆليسێن فيدرال چووينه ناڤ گۆندێ مونكار و قاهيره ل سنورێ حه‌مام عه‌ليل و ئالايێ عيراقێ بلند كريه و نوكه چووينه ناڤ تاخێ ئێكێ يێ وێ ناحيێ.
ل 17ى چريا ئێكێ 2016 حه‌يده‌ر عه‌بادى فه‌رماندێ هێزێن چه‌كدار ل عيراقێ كو د هه‌مان ده‌م دا سه‌رۆك وه‌زيرێن عيراقێ يه ئۆپه‌راسيۆنا رزگاركرنا باژێرێ مووسل ژ ده‌ستێ چه‌كدارێن داعش راگه‌هاند و ئاماژه ب وێ چه‌ندێ دا كو سۆپا و پۆليسێن فيدرال دێ چنه د ناڤ باژێرى دا و پێشمه‌رگه و حه‌شه‌د شه‌عبى دێ ل ژ ده‌رڤه‌ى باژێرى بن.
