پێكهاتیێ هه‌لبژارتیێ كوردستانێ هاته ده‌ستنیشانكرن
ئه‌ڤرۆ،
ئێكه‌تیا باسكێت بۆلا هه‌رێما كوردستانێ ب فه‌رمی پێكهاتیێ هه‌لبژارتیێ كوردستانێ ل سه‌ر ئاستێ پێشكه‌فتیان ده‌ستنیشانكر به‌رهه‌ڤی بۆ قاره‌مانیێن داهاتی، ژوانا راهێنه‌ر و پێنچ یاریزانێن یانه‌یا زاخۆ و ئێك ژ پارێزگه‌ها دهۆكێ نه.
ل دووڤ لیستا هاتیه به‌لاڤكرن ژ یانه‌یا زاخۆ جۆتیار عه‌لی وه‌كو راهێنه‌رێ ئێكێ و هه‌ر ئێك ژ جه‌گه‌ر عه‌لی، موهه‌نه‌د عه‌بدولكه‌ریم، عیمران ئیبراهیم، مراد عه‌لی و زنار هشیار، دیسان فه‌رید ره‌عدی ژ پارێزگه‌ها دهۆكێ و یانه‌یا نه‌فت یا به‌غدایی، دو یاریزان ژ یانه‌یا قه‌لا، دو ژ یانه‌یا سۆلاڤا نوو، هه‌ر ئێك ژ یانه‌یێن هێرش، ئاسۆ، ده‌ربه‌ندیخان و ئه‌كاد.
ل دۆر ڤێ یه‌كێ هشیار دۆبانكی جێگرێ سه‌رۆكێ ئێكه‌تیا باسكێت بۆلا هه‌رێمێ بۆ رۆژناما ئه‌ڤرۆ گۆت: بڕیارا درۆستكرنا هه‌لبژارتیه‌كی هاتیه پێخه‌مه‌ت زێده‌تر پشته‌ڤانیه بۆ یانه و یاریزانێن مه یێن كوردستانێ و هه‌روه‌سان به‌رهه‌ڤینه بۆ هه‌ر قاره‌مانیه‌كا داهاتی، له‌وما هه‌ر ژ پێنچ شه‌مبیا بهێت ده‌ست ب راهێنانان كه‌ین و داخواز ژ هه‌موو یاریزانێن ناڤێن وان د لیستێ دا ل كه‌مپێ راهێنانێ یێ ئێكی به‌رهه‌ڤبن ئه‌وا دێ ل باژێرێ زاخۆ هێته ئه‌نجامدان دیسان ل رۆژا شه‌مبی دێ یاریه‌كا هه‌ڤالینی ل هۆلا گرتیا یانه‌یا دهۆك به‌رامبه‌ری هه‌لبژارتیێ ئیراقێ بین.
هه‌روه‌سان ناڤهاتی دیار كر پشتی ب دووماهی هاتنا كه‌مپێ راهێنانێ و یاریا هه‌ڤالینی دێ پلانه‌كا درێژخانه هه‌بیت پێخه‌مه‌ت باشترین به‌رهه‌ڤیێن هه‌لبژارتیێ كوردستانێ بوو هه‌ر قاره‌مانیه‌كا داهاتی و مه‌ره‌ما سه‌ره‌كی پشته‌ڤانی و پێشخستنا وه‌رزشا باسكێت بۆلێ یه ل هه‌رێما كوردستانێ.
