پێلاڤێن ناڤێ پێغەمبەری ل سەر ل بازاری دھێنە دیتن
ئەڤرۆ نیوز، سالار دۆسکی:
ماوێ دو رۆژە چەند پێلاڤ ل بازارێ دھۆکێ بەلاڤ بووینە، ھوسا دھێتـە دیتن کو ناڤێ پێغەمبەرێ ئیسلامێ (محەمەد) سلاڤێن ل سەربن ل سەرھەیە، ھێزێن ئاسایشا ئابووری، ھەموو پێلاڤ کومکرینە و حەفتیا داھاتی دێ ھێنە ژناڤبرن.
جەھوەر عەزیز، قائیمقامێ قەزا دھۆکێ، نووچە بۆ ئەڤرۆ نیۆز پشست راستکر گۆت” ماوێ دو رۆژە ھندەک پێلاڤ ل بازارێ دھۆکێ بەلاڤ بووینە و ھوسا دھێتە دیتن کو ناڤێ (محەمەد) پێغەمبەر ل سەر ھاتیە نڤێسین، ئاسایشا ئابووری ھەر ئێکسەر ھەموو کومکرینە و نەھێلابنە ل بازاری.
جەھوەری گۆتژی: ئاسایشا ئابووری ھەموو کومکرینە و بەردەوام یا دوڤچوونێ ل سەر بابەتی دکەن، ل دەسپێکا حەفتیا داھاتی ل کونگرەکێ رۆژنامەڤانی دا زانیاریێن زێدەتر بەلاڤ کەین، ب رێکا لژنەکێ و ب بەرھەڤبوونا سازیێن راگەھاندنێ ل پارێزگەھێ ھەموو پێلاڤە دھێنە ژناڤبرن.
قائیمقامێ ئاشکراکر کو نەشێن بێژن 100% ئەوە لێ مادەم ئەو ناڤ ھاتیە سەر دێ ھەموو ھێنە ژناڤبرن و نابیت ئەو پێلاف ل بازاری دا کرین و فرۆتن پێ بھێـتەکرن.
