پێله‌كا باران بارينێ دێ هه‌رێمێ ڤه‌گريت
ئه‌ڤرۆ نيوز:
رێڤه‌به‌ريا گشتيا كه‌شناسيا هه‌رێما كوردستانێ راگه‌هاند كو دێ پێله‌كا باران بارينێ ب سه‌ر هه‌رێما كوردستانێ دا هێت و بريسى و تۆز ژى دێ ل گه‌ل بيت و پلێن گه‌رمێ ژى دێ هێنه خوار.
پشكا پێشبينيان ل رێڤه‌به‌ريا گشتيا كه‌شناسيا هه‌رێما كوردستانێ راگه‌هاند كو ژ ئه‌نجامێ فشارێن نزمێن ده‌ريا سۆر بۆ سه‌ر هه‌رێما كوردستانێ ئه‌و پێشبينى دكه‌ن ل رۆژا سێشه‌مبى رێكه‌فتى 17ى چريا دويێ ئه‌سمانێ هه‌رێمێ ژ هنده‌ك ئه‌ورێن كێم بۆ ئه‌ورێن ته‌مام بهێته گوهۆڕين و ل هنده‌ك ده‌ڤه‌ران بارانه‌كا بۆش و هنده‌كان ژى يا ناڤه‌ندى ب باريت و بريسى ژى دێ ل گه‌ل بن و بايه‌كێ ب هێز ژى دێ هێت و پلێن گه‌رمێ ژى دێ هێنه خوار.
ل گه‌ل ڤێ ره‌وشێ دهێته پێشبينيكرن كو تۆزه‌كا سڤك ژى رابيت به‌لێ دێ ل گه‌ل بارانێ تێكه‌ل بيت و گه‌له‌ك كارتێكرنا خوه ل سه‌ر ره‌وشێ نابيت.
دايه زانين ژى كو كاتێكرنا ڤێ ره‌وشێ هه‌تا رۆژا ب دووڤدا دێ يا به‌رده‌وام بيت و پاشان ژى دێ ئه‌ور ل ئه‌سمانى كێم بنه‌ڤه و بيته نيڤ ئه‌ور و نيڤ ژى ساهى.
