پێل
نایف مه‌حمود
د ناڤ پێلێن ده‌ریایێ دا
پێله‌ك ڕابوو
هه‌می ئه‌ور كرنه ساهی
هه‌می كاڤل بوون ئاڤاهی
ژیان شه‌ڤا ڕه‌ش و تاری
دبوو پێله‌ك، ئاڤه‌ك زه‌لال
هه‌می خه‌مێن خوین ژێ دباری
هه‌می ده‌ردێن ئازار خواری
بوونه شادی، بوونه شاهی
ئاڤا حه‌وز و گومێن گه‌نی
ژێ بوو هه‌لم، بارانه‌كا خوه‌ش ژێ دباری، دبوو تاڤیه‌كا بوهاری
ئه‌ڤ ئه‌ردێ ژ هیڤیا زوهابووی
گولێن گه‌شێن سه‌رێن وان خوار و هشكبووی
ڤه‌گه‌ریان باوه‌شا ژینێ و مزگینیان
دلێن شكه‌ستی
شیرهه و دیوارێن هه‌ڕفتی
جاره‌كا دی
بوهاره‌ك نوو لێ په‌یابوو
كانیا گوندی ڤه‌ژانده‌ڤه و ب بلقا ده‌ربوو
ئه‌ڤێ پێلێ ئاوه‌زه‌كا خوش ڤێ هه‌بوو
پیره‌مێرێن به‌ردیوارا های ژێ هه‌بوو
دلێ وان یێ پیرێ خه‌ما
ژ نوو خوه‌شبوو
گولا چرمسیا د ده‌ستێ من دا ژ نوو ڤه‌بوو، ژ نوو گه‌شبوو
قێڕی و هه‌وار،
نالێنا دلێن بریندار
ئه‌ڤ پێلا هه مزگینی بوو
ستێرا ئه‌سمانێ تاری بوو.
