پێنجی جاران مە چەك و تەقەمەنی ژ سووریایێ بـۆ ناڤ شۆڕەشـێ ئیناینە
رەمەزان دەشتمری/ زاخۆ
هەبوونا گوندان ئێك ژ خەمل و ڕەوشا كوردستانێ یە، و ژلایێ پێشخستن و ڤەژەنا ئابوری و خوەشكرنا ژین و ژیارا ئابوری یا خەلكێ كوردستانێ یە، لەوما هەمی دەمان چاڤێن نەحەز و دوژمنان ل هەرێما كوردستانێ بوو، ب هەمی ڕێكان ب هەمی شێوان بشێن ئابوورێ وەلاتی لاواز بكەن، و خەلكێ برسی بكەن و نەخوەشی و دەرد ئێشان ل ناڤ خەلكێ بەلاڤە بكەن، ژبەر ئەڤان ئەگەر و هوكاران كو شۆڕشا ئەیلۆنا مەزن ل ڕێكەفتی 11/9/1961ی بەرپا بوو.
هەروەسا چریسكا شۆڕەشا 26ی گولانا پێشكەفتنخواز ل رۆژا 26/5/1976ی ل دژی ئەڤی ستەم و زولم و زوردارییا ل سەر مللەتێ كورد دەستدانە چەكێ خەباتێ ل دژی دەستهەلاتدارێن ئیراقێ بەرخوەدان كرینە و قوربانی داینە ژبۆ پاراستتا كەرامەتا مللەتێ كورد، بەلێ حكومەتێن ئێراقێ یێن ئێك ل دویف ئێك ب هەمی جورێن چەكی ب توپ فڕوكە و ڕاجیمان و بۆمبێن ناپالم ئابوریا كوردستانێ بومبەباران دكرن، هەتا كو بشێن شوڕشێن كوردی لاواز و سەركوت بكەن.
مە وەك ڕۆژنامەیا ئەڤرو سەرەدانا پێشمەرگەیی شۆڕشا 26ی گولانێ كر و پرسیارا رەواشا ئەوی كر و چەندەكێ و مە ڤیا ل دور خزمەت و خەبات و ماندیبونا خۆە ئەوا دناڤ شۆرشێ دا بوراندی بەحس بكەت. پشتی خێرهاتن ب مە كری ب ئاخینك و ئوف كەسەر و ول و دەردڤە دەستدا پاكیتا خۆە یا جگارا و جگارەك ئینا دەر و كرە ددەڤێ خوەدا و ئاگر بەردایێ و دوو قورمە مز لێدان و گوت هوین گەلەك ب خێرهاتن: ناڤێ من سامی حاجی حەسو ل سالا 1955ی ل گوندێ متیفا سەر ب ناحیا دەركار عەجەم ل قەزا زاخۆ ژ دایك بوویمە. هەر ل زاڕوكینیا خۆە من كارێ ڕینجبەریێ بۆ مالێ دكر ئەڤا بیرا من لێ دهێت ل هاڤینا سالا 1962ی هێرشا حكومەتا یراقێ ب ئەسكەر و جاشان ڤە هێرشی دەڤەرێ كرن، و ل ئەوی دەمی گوندێ كتیفا و گوندێ بەرزیری و گوندێ كەڕنێ سوتن و خەلكێ ئەوان گوندان دەربەدەر و تەڕابەرابن. ل ئەوی دەمی هەژمارا بیست هەتا بیست و پێنج مالان ل گوندێ متیفا هەبین. هەلبەت هەر ل دەسپێكا شوڕەشا ئیلونا مەزن زوربەیا خەلكێ گوندێ متیفا دەست دانە چەكێ خەباتێ و بوونە پێشمەرگە و بەشداری د شۆڕەشا ئیلۆنێ دا كرن. هەر وەسا دهێت بیرا من ل سالا 1962ی پێشمەرگە سەلیم نەعمەت ئێكەم پێشمەرگە بوو كو ل دەڤەراناحیا مانگێشكێ هاتی شەهیدكرن، و جەنازێ وی بۆ گوندێ متیفا ڤەگوهاستن و ل ناڤ گورستانا گوندی هات ڤەشارتن.
پشتی شۆرەشا ل سالا 1974ی دەستپێكری ل ئەوی دەمی خەلكێ گوندێ متیفا ژبەر ڕەمیا فڕوكەیان توپان خەلكێ گوندێ متیفا گوندێ خۆە چولكرن، و مالێن خۆە برن ئەوان نهال و شكەفت و نزارێ پشتا گوندی بۆخوە كولك و ئاڤاهی چێكرن و گیانێ زاروك و خێزانێن خۆە لێ ڤەحەواندن و پاراستن، بەلێ هەیڤا یازدە بۆ جارا دوێ حكومەتا ئیراقێ ب ئەسكەر و هێزێن جاشان ڤە هیرشە گوندێ متیفێ كرن، و نیڤەكا گوندێ سۆتن و ئاگر تێ بەردان. بەلێ هیزێن پێشمەرگەیی گەهشتن هنداڤی گوندی و شەڕەك مەزن د ناڤبەرا پێشمەرگەیی و ئەسكەرێ حكومەتا ئیراقێ دا پەیدا بوو، و ئەسكەر ب سەر شوڕی ڤە پاشدا زڤری و ب زەند و باسكێن پێشمەرگەیی نەهێلان گوندێ متیفا هەمی بێت سۆتن.
هەر وەسا ل سالا 1973ی من گەلەك حەزا پێشمەرگایەتیێ هەبی، بەلێ ل ڤێرێ شەهیدێ سەركردە عیسا سوار قەبیل نەكر و گوتە من تو هێشتا زاڕوكێ و بۆ دەیك بابێن خۆە كارێ مالێ بكە، بەلێ هەر من گوت: دڤێت هەر ئەز ببم پێشمەرگە و چەكی خەباتێ ب دمە ملێ خۆە و خزمەتا مللەتێ خۆە بكەم، ل دەمەكێ شەهید عیسا سوار گوتە شەهید عەمەرێ لەعلێ بلا سامی ببت پێشمەرگە و تڤەنگەكێ ب دەنێ، من بەرێ خۆە دایێ پێشمەرگەیەك هات تڤەنگەكا بڕنۆ یا وەست ل ملێ ئەوی پێشمەرگەیی ڤەبی، من شەهید عیسا سوار ئەڤ تڤەنگا ل ملێ ئەڤی پێشمەرگەیی گەلەك یا دەلال و جوانە بلا ئەڤێ تڤەنگێ ب دەتە من، شەهید عەمەرێ لەعلێ گوتە من سامی: ئەو كەسە ژی وەكی مە هەمیان پێشمەرگەیە و تڤەنگ یا ئەوی یە ما دێ چەوا چەكا خۆە خۆە دتە ملێ نە، ئینا شەهید عیسا سوار ئەو پێشمەرگە ناس دكر وگازی ئەوی پێشمەرگەیی كر و گوتێ: كا ئەوێ تڤەنگێ بینە بە ئەڤی گەنجی و تو ئەڤێ تڤەنگا دیتر بۆ خۆە ڕاكە و بدە ملێ خۆە. من ئەو تڤەنگ ڕاكر و دا ملێ خۆە و ئەركێ من ما دگەل شەهید عەمەرێ لەعلێ و ئەركێ پێشمەرگایەتیا مە كەتە دەڤەرا گوندێ دەشتماسەكێ بوو. دەمێ نسكویا خیانەتكاریا جەزایر ل ڕوژا 6/3/1975ی هاتی موركرن خەلكێ گوندێ متیفا وەكی هەمی گوندێن دەڤەرێ قەستا سەر مولك و مالێن خوە كرن، و ئەڤێن پێشمەرگەژی چەكێن خۆە ڕادەستی حكومەتا ئیراقێ كرن و دەست ب كەد و ژین و ژیارا گوندەواری كرن، و زاڕوك ز خێزانێن خۆە ب خودانكرن. بەلێ شەهید عەمەرێ لەعلێ هەم خزم و هەم زاڤایێ مەبی و دگەل شەهید ئەنوەر مەلا حەیدەر هەردوویان چەكێن خۆە یێن پێشمەرگایەتیێ نەدەینان و خوە دانە چیایی و خوە ل دەور و بەرێن گوندێ دەحلكێ و نهالا كەندەلیسێ خۆە هەشاردان، هەلبەت هەر ل ئەوی دەمی شەهید ئەنوەر مەلا حەیدر كادرەكی چەلەنگێ پارتی دیموكراتی كوردستان بی و هەر ئێكسەر دەست ب نویژەنكرن و رێكخستنا پارتی ل دەڤەرێ هاتكرن. پشتی من چەكێ خۆە یا پێشمەرگایەتیێ ڕادەستی حكومەتا ئیراقێ كری ئەم مانە ل گوندی و مە دەست ب كەد و كەسپا كوندەواریێ دكر. هەلبەت ل ئەوی دەمی مالا شەهید عەمەرێ لەعلێ ل گوندێ دەحلكێ بوو و هاتن و چوون و تێكەلیا مە دگەل ئێك هەبوو. پشتی بۆرینا شەش هەیڤان ژ نسكویا شۆرشا ئیلۆنا مەزن رێخستنا پارتی دیموكراتی كوردستان وەرار و ڤەژەنەكا باش لێ پەیدایی و هەر وەسا هێلین ڕێكخستنێ ل دەڤەرێ هەتا بۆ ناڤ باژێڕێ زاخۆ و باژێرێ دهوكێ بەلاڤەبین.
ل ناڤەراستا هەیڤا حەفت سالا 1975ی خودێ ژێ رازی عەمەرێ لەعلێ گوتە من سامی: ئەڤە مە یا دەست ب نویژەنكرن و ڕێكخستنا پارتی دیموكراتی كوردستان یا كری و وەرە دا ناڤێ تەژی دگەل ئەڤێ ڕیكخستنا تهێنی یا پارتی یموكراتی كوردستان بنڤیسم و تو ژی دگەل مە كارێ ڕێكخستنێ ل دەڤەرێ ب نهێنی ئەنجام بدە. ل ئەوی دەمی من پوستە و بەلاڤوك و پێزانین ژ دەف شەهید عەمەر لەعلێ بۆ دەف مالا خودێ ژێ ڕازی مەلا حسێن بێزهی دئینان و دبرن. ل سەرێ هەیڤا دەهـ بی ل سپێدەهیەكێ من هندەك پوستە بۆ مالا خودێ ژێ ڕازی مەحسێن ئینان و ل ئەوی دەمی مالا خودێ ژێ رازی مەلا حسێن ل باژێرێ زاخۆ ل تاخێ شۆڕەش بی، دگەل دونیا زەلال بینێ ئەز ژ گوندێ متیفا بۆ باژێڕێ زاخۆ هاتم و دگەل ڕۆژهەتانێ ئەز گەهشتم تەنشتا باژێڕێ زاخۆ ل دەف خانیێن حكومی ل تەنشتا تاخێ شوڕەش هەبوون و مالێن ئەفسەر ڕەفیقێن حكومەتا ئیراقێ تێڤە بین. من بەرێ خۆە دایێ زەلامەكێ ژ ئەوان مالان یێ ل سەر جادێ دهێت و یێ سەرخوشە و وەكی گێژان ب ڕیكێ ڤە دهێت. ل دەمەكێ كەفتە سەر ئەردێ و دەمانجا ئەوی ژ بەر كەفت و بێ هشبی و ل سەر ئاخێ درێژی ئەردێ بی، هەما ب لەز ئەز چووم و من خۆە گەهاند دەف ئەوی كەسی و من دەمانجا وی ڕاكر و ب لەز و بەز من قەستا مالا خودێ ژێ رازی مەحسێن ل تلخێ شۆرەش كر، دەمێ ئەز گەهشتیم بەر دەرگەهێ مالا حەلا حسێن من زەنگا دەرگەهێ لێدا و دەمێ وخودێ رازی مەلا حسێن دەرگەهێ حەوشێ ل من ڤەكری و ئەز دیتیم و هەر ئێكسەر گوتەمن سامی ب خودێ هەبت نەبت تە شولەك یا كری هەما دچاڤێت تەدا یێ دیاردبت. منژی گوتێ: سەیدا من دەمانجا زەلامەكی عەرەب ئەوێن ل ئەوان ئاڤاهیێن حكومی ڤە. ئەو زەلام سەرخوەشی بی و دەمانجە ژێ كەفت و من ژی ئەڤ دەمانجا وی راكر و دگەل خۆە یا ئینایی. خودێ ژێ ڕازی مەلا حسێن گوتە من: نوكە ب لەز هەڕە خۆە قورتال بكە هێشتا حكومەت تو دەستەسەرنەكری. من هندەك ئاڤ ل مالا مەلا حسێن بێزهە ڤەخوار و هەر ئێكسەر من قەستا گوندێ متیفا كر و پاشی ئەز بۆ گوندێ دەحلكێ چوم و ل هەشارا نهالا گوندەلیسێ جهێ هەشارا پێشمەرگەیی كر. دەمێ من بابەت بۆ شەهید عەمەر لەعلێ كر و كو من ئەو دەمانجە یا دگەل خۆە ئینایی. شەعید عەمەری گوتە من دێ ڤێجا بەرپێكێن خۆە ب شدینە و جانتێ خۆە بدە ملێ خۆە دێ دگەل مە تو دێ بی پێشمەرگە و بۆ جەولێ دێ چینە دەڤەرێ. هەر ل ئەوی دەمی من ئەو دەمانجا من ژ ئەوی كەسێ ئەمنێ وەرگرتی من فروت و بۆ خۆە دا ب چەكەكێ ژ جورێ كلاشینكوف و من دا ملێ خۆە و بۆ دەڤەرێ هاتین. ئەوبی ل ئەوی دەمی خودێ ژێ ڕازی ەمەرێ لەعلێ وەك ئامر مەفرەزە و ئەو پێشمەرگەیێن ل ئەوی دەمێ ئەم گەل ئێك مە هاتن و چوونا ڕۆژئاڤایێ كوردستانێ دكر ئەوژی حەسەن تەها، عەبددوللا بەفری، عەبدوللا چاویش، سالح خورشید، زێدان نەسرەدین. دەمێ ئەم بۆ ڕۆژئاڤایێ چووبان مە دوو رێك هەین ئەوژی ئێك ب ڕیكا دەڤەرا شەرنەخێ و گوندێ بلكا و گلندورێ و پشتا باژێرێ سلوپیا ل جزیرا بوتا دەربازی ڕۆژئلڤایێ كوردستانێ دبین و بۆ یاژێرشێ دێركێ و هەتا ئەم دگەهشتن بارەگایێ پارتی دیموكراتی كوردستان ب باژێرێ قامیشلو دچوین.
ل دوماهیا سالا 1979ی ئەم دگەل شەهید عەمەر لەعلێ و فەرماندە محەمەد خالد بوسەلی و كادرێ پارتی ئەحمەد ڕەمو بێتاسی، عەبدوللا شاهین ناسیار عەڤدلێ بەفرویێ. بۆ دەڤەرا لێفێ چووین و گەهشتن چیایێ سپی ل نێزیكی گوندێ بێتاسێ مە ل گەلیێ قەپانێ خۆە هەشاردا و ل ئەوی دەمی نان خوارنا مە نەما و ئەم دا ب ڕێكا گوندێ پێشابیرێ و قەڕەولا بۆ ڕۆژئاڤایێ كوردستانی دێ چین. هەڤالان گوت ئەم دێ چەوا هندەك خوارنێ پەیداكەین. ل ئەوی دەمێ خودێ ژێ ڕازی ئەحمەد ڕەمو گوتەمن: سامو تو پەیایێ پێ سفكی تو دێ شێ بچی ناڤ گوندێ بێتاسێ و هندەك خوارنی بۆمە بینی و هەرە مالا سالحێ مەحمویدێ ئەو دێ شێت خولرنێ بو مە بینت. ئەز ژی ڕابووم من چەكێ خوە ل دەف هەڤالان هێلا و ئەز بۆ ناڤ گوندێ بێاسێ هاتم و من ب ڕێكێ ڤە بەرملەكی دارێن هشت ڤێكدان و كرە ملك و دەینان سەرملێ خۆە و بۆ مالا سالحێ مەحمودێ ئێنان. هەر چەندە ل هەشارێ من سالحێ مەحمودێ دیتبی، بەلێ من مالا وی نەدزانی ل كیش راستا گوندێ بێتاسێ یە. ل بنێ كولانا گوندی من زاروكەك دیت و من پرسیارا مالا سالحێ مەحموی ژێ كر. ئەزی زاروكی گوت خال: ئەڤ خانیە مالا سالحێ محمودی یە. دەمێ ئەز چویم دەڤ خانیێ مالا سالحێ محمودی و من دەرگەهێ حەوشێ قوتا و زاڕۆكێن وان دەرگەهـ ل من ڤەكرن و ئەز چووم من سلاڤی ئەوان كر و سالحی خێرهاتن ب من كر و گەلەك كەیفا ب من ئینا و ب سوحبەتكی ڤە گوت: ئەڤە تە دار یێن بۆ مالا مە ئیناین؟ من ژی گوتێ: بەلێ ئەڤە من دار یێن بۆ مالا هەوە ئیناین و هەڤالێن مە یێن ل سەرێ گەلیێ گوندێ بێتاسی ل هەشارێ دا ماین و مە خوارن نەمایە و ئەز یێ هاتی مدا بێژمەتە كو تو خوارنێ بۆ ئەوان ببی. سالحێ محمودی گەلەك كەیفا ب ب من ئینا و گوت: بلا سەرچاڤا دێ نوكە خوارنا تێشت و فراڤینا بۆهەوە بەمە گەلی و ئەز ناهێلم پێشمەرگە ل گەلی برسی بمینت. ل ئەوی دەمی من سالح هێلا ئەز بۆ پشتا گوندێ بێتاسێ هاتم و ب لەز و بەز من خۆە گەهاندە دەف هەڤالان. دەمێ ئەز زڤریم ل ئەوی دەمی خودێ ژێ ڕازی ئەحمەد رەمو گوتە من: ب ڕاستی سامی هندی وە یێن وەكی تە ل ناڤ شورەشێ هەبن ئەم چ جاران برسی و ماندی نابن. پشتی سالحێ مەحمویدی نان خوارن بۆمە ئینایی ئەم ل هەشارا گەلیێ قەپانێ ماین هەتا دونیا ل مە شەڤا تاری و بۆ دەڤەرا گوندێ قەڕولا چووین. ل رستا گوندێ حەسەن ئاڤا ئەم ل جادا گشتی دەربازین و بۆ بەر بنێ چیایێ بێخێری و بۆ گوندێ دێرەبینێ ل تەنشتا گوندێ قەرەولال ڕەیبارێ ئاڤا مەزن دەرباوبین و گەهشتن بۆ سێمالكا و پاشی بۆ باژێڕێ قامیشلو گەهشتن بارەگایێ پارتی ، ل وێرێ مە بێهنا خۆە ڤەدا. پشتی بورینا هەشت ڕۆژان ژ بێهنڤەدانێ مە هندەك چەكێن ژ جورێ سمینوف و فیشەك مە دانە پشتا خۆە بۆ ناڤ شۆڕەشێ ڤە هاتین. ل دەمێ زڤڕینێ ئەم ل دەراڤێ بنێ باژێرێ جزیرێ ل سنوری دەرباز بین و بۆ قەسركا گەلی و گوندێ بلكا و سەناتی بۆ بارەكایێ كوماتەیی هاتین.
ل ئەوی دەمی خودێ ژێ ڕازی مام ئەبو عنتەر ل بارەگایێ كوماتەیی بین و ئەوی پێشەوازیەكا گەرم ل مەكرن كو د ئەوی ماوێ كورت دا مە شیا ئەوی چەك و تەقەمەنیان ژ ڕۆژئاڤایێ كوردستانێ بۆ ناڤ شۆرەشێ ب گەهینن.
هەر وەسا ل سالا 1976ی مەفرەزا مە یا شەهید عەمەرێ لەعلێ و دگەل خودێ ژێ ڕازی محەمەد خالد بوسەلی و و هەژمارەكا دیتر پێشمەرگەیی بۆ دەڤەرا گوندێ بلكا و سلبێ چوین كز ل ئەوی دەمی مەفرەزەیكا ئێكەتی بۆ ئەوێ دەڤەرێ هاتبی و خوە ئامادەكرن كو نیازا وان ئەوبی ڕێكخستیێن خۆە چەكدار بكەن و شەرێ پارتی بكەن. بەلێ ئەو پیلان ئاشكرا بوو، ئەو كادربن ل ئەوی دەمی دگەل ئەوێ مەفرەزێ هەر ئێك ژ مەلا تەها، مەلا غەنی و بوزێ و عسمەت هاتن خۆە تەسلیمی حكومەتا ئیراقێ كرن، و مەژی هەژمارا پێنجی چەكێن ژ جورێ كلاشینكوف تەكلنگ مە گرتن و بۆ بارەگایێ كوماتەیی ڤەگوهاستن. پشتی كونگرێ نەهی یێ پارتی دیموكراتی كوردستان بڕیارا لقێ و لیژنەیان هاتەدان هەر دیسان خودێ ژێ ڕازی عەمەرێ لەعلێ وەك مەفرەزیەكا تایبەت هاتەدستنشانكرن بۆ هاتن چونا ڕۆژئاڤایێ كوردستانێ بكەن، و چەك تەقەمەنیا بۆ شۆرەشێ ب دگەهننە دەڤەرێ.
پێشمەرگەیێ دێرین سامی حاجی دبێژت: ل زڤستانا سالا 1981 ئەم ژ بارەگایێ كوماتەبی بۆ دەڤەرێ هاتین، ل دەڤەرا سەركێ ڕەشینێ ئەم دناڤ بەفرێ دا ماینە ئاسێ هەر ل سحارێ هەتا پشتی نیڤرو ئەز دناڤ بەرفرێ دا مام و دەمێ هەڤالا ئەز ژناڤ ئەوێ بەفرێ ئینام دەرێ لاشێ من مر و بێ روح بی و هەتا ئەز گەاندیم ناڤ ئەوێ زوما مالێن ل گەلیێ شڤەرمەنیا و ئەز بێ ئەزمان بووم. ئەوێ مالێ ئاڤ گەرمكر و پێن من كرنە دناڤ ئەوێ ئاڤاگەرم دا، پشتی بورینا دوو دەمژمێرا ژنوی پچەكێ لاشێ من گەرم بی و من چاڤێن خۆە ڤەكرن، و هندەك خوارن دانە من هەتا من شیا ئەز خۆە ل پێن خۆە بگرم و پاشی ئەم بۆ دەڤەرێ هاتین. هەر وەسا جارەكادیتر ل زڤستانا سالا 1981ی مەفرەزا مە یا شەهید عەمەرێ لەعلێ ژ گوندێ دەحاكێ یا دەڤەرا بەربنارێ چیایێ كێڕەیی بۆ دەڤەرا گوندێ سەركو هاتین. مە شیڤ ل گوندی خوار و ل سپێدێ ئەم بۆ هەشارێ چوین. ل دەمژمێر حەفتی سحارێ چوار فروكەیێن ژ جورێ هەلیكوپەر ژ فرقا عەسكەری یا زاخۆ بۆجهێ مە هاتن و ئەسكەرێن مغاویر ل دەور و بەرێن مە دانان. ل ئەوی دەمی چەندین پوستە و بەلاڤوك د جانتێ من دا بین و پشتی شەڕی تەقەكرنێ دوو هەڤالێن مە ب ناڤێ محەمەد خەلیل سندی و محەمەد ئەحمەد خەلكێ ڕۆژئاڤایێ كوۆدستانێ بین هات شەهیدكرن، و هەر وەسا من زانی ئەز قورال نابم. ئەز ڕابیم من ئەو جانێ خۆە و دگەل ئەوان پوستەیان ل بن بەرەكێ ڤە ڤەشارتن. من خۆە دا بەر بەرەكێ و دا تەقێ ل عەسكەری كەم، بەلێ هێشتا من تەقە نەكری فڕوكەیا هەلیكوپتەر ڕاست بۆ لایێ من هات و رەمی ل من كر هەر دجهدا ئەز برنداریم و پیەك من گەلەك برینداری و ئەز ژوردا بۆ ئەوی شوركێ هاتم و كلاشینكوفا من ژ دەست من فری و ئەسكەر ب مغاویر هاتن هنداڤی سەرێ من و ئەز ب دیلی گرتم. دوو ئەكەرێن مغاویر هاتن ئەز ڕاخوشاندم بۆ سەرێ ملێ برم و ل هەر ئێكسەر ل فڕوكا هەلیكوپتەر سیاركرن و چاڤێن من گرێدان و ئەوان ئەسكەران گەلەك قەسێن نەخوش گوتنە من و هەر ل وێرێ ئەز قوتام. دەمێ گەهاندیم بۆ فرقا زاخۆ و ژبرینێن لاشێ من نەهات دەرمانكرن و هەر ئێكسەر بۆ زیندانا باژێڕێ كەركوكێ ڤەگوهاستم. دەمێ ئەز ل زیندانی خەلكەك دیتر ژی د ئەوێ زیندانێ دابی. دزیندانێ دا حەفتیێ جارەكێ برنا لاشێ من دەرمان دكرن.
سامی ئەڤ چەندە ژی گوت: ل شەڤەكێ ئەز بۆ ژورا زیندانێ برم و من بەرێ خۆە دایێ ئیكە پلە ئەفسەر ل پشت مێزێ یێ ڕوینشتی بی. چەوا ئەڤی ئەفسەر ئەز د ئەڤێ رەوشێ دا دیتیم و ئەوی ئەفسەری گوتە نوبەدارا هوین دەركەفن و مە ب تنێ ب هێلن. ئەڤی ئەفسەری ب زمانی كوردی دگەل من ئافت و گوت بۆمن راستی بێژە: تو بوچی هاتی گرتن و تە چ كار دكر. من ژی گوتێ سەیدا: ب راستی دە دڤێن ئەز پێشمەرگە و ئەم داب ۆ سوریا چن و مە چەك و تەقەمەنی بۆ ناڤ شۆرەشێ دانان. چەوا من ئەف سوحبەتە بۆ ئەوی ئەفسەری كرین. من دیت روندك ژ هەردوو چاڤێن وی هاتن خوار و سەرێ خۆە هەژاند و گوت: ژ ڤێرێ و پێڤە تو دێ مرتاح ل ژورا زیندانێ بی و كەسەك دگەل تە نائاخڤت و نەخوشیێ ژی بوتە پەیداناكەت. ئەوبی پشتی بورینا دوو سال و چوار هەیڤان ئەز ل زیندانێ دا ماین، ئەوبی حكومەتا ئیارقێ لێبورینەكا گشتی بۆ زیندانیا دەرخست و ئەم هاتم ئازادكرن. ل سپێدێ ئەم ل ترومبێلا سیاركرن و بۆ دایرا ئەمنا باژێرێ دهوكێ ئینان و پاشی بۆ فرقا زاخۆ گەهاندم. ل فرقی زاخۆ ئەز ئازادكرن، و هەر ئێكسەر من قەستا ناڤ شۆرەشێ كر و ل ئەوی دەمی مالا من ل گوندێ تەمەر ئاڤابوو. پشتی بورینا چەند ڕۆژەكان من بێهنا خۆە ڤەدا و خەلكێ دەڤەرێ هەڤالێن لیژنا ناوچا زاخۆ هاتن سەرەدانا من كرن. ل ئەوی دەمی برینا پێ من هێشتا بار ساخ نەببی و ڕۆژەكێ ئەز دگەل دوو پێشمەرگەیێن هەڤالێن خۆە بۆ جهێ ڕیدانێ كو ئەو جهێ ئەز لێ هاتیم گرتن هاتین و دەمێ ئەم گەهشتن جهێ ڕویدانێ من ئەو ئەو جهێ جانتێ ۆە و پوستە لێ ڤەشارتین هێشتا ل جهێ خۆە مابوون، و من ئەو جانتێ خۆە راكر و دگەل خۆە ئینا و بۆ مالێ هاتین. پاشی ب هەر حالێ هەیی دگەل مەفرەزل عەمەرێ لەعلێ ئەم بۆ ڕۆژئاڤایێ كوردستانێ چووین و چارەسەریا برینا لاشێ خۆە ل باژێرێ قامیشلو هاتە كرن. هەر وەسا مە بەردەوامی دا كارێ خوە یێ هاتن و چوونێ بۆ ڕۆژئاڤایێ كوردستانێ دكر و هەر وەسا ئەو جهێ مە هاتن و چوون لێ دكر ئەوژی مە دوو رێك هەبین ئەوژی رێكا دەڤەرا چیایێ بێخێری و گوندێ قەڕولا دەربازی سنوری دبین. هەر وەسا رێكا دیتر ئەوبۆ تەنگا خەرزێ و چیایێ جودی گەلیێ قەسركێ یان رێكا گوندێ سلبی و دەشتا سلوپیا جزیرێ و ل ئاڤا ڕویبارێ ئاڤا هیزلی و ڕویبارێ ئاڤا مەزن دەربازی سنوری دبین. ئەوبی ل دەمێ ئەنفالا ڕەش یا سالا 1988ی ئەم ئاوارەیی توركیا ل كەمپا ئامەدێ بین. مە رۆژانێن پر بیرهاتن و نەخوەشی ل كەمپا ئامەدێ بوراندن. هەتا سەرهلدانا بهارا سالا 1991ی ئەم بۆ كوردستانێ هاتین و من بەر دەوامی دا خزمەتا پێشمەرگایەتیێ هەتا سالا 2010ی و دویف بڕایارا لیژنا پزیشكی ئەز وەك پەكەوتوویێ سەنگەر ب ڕێژا 50% ژ سەدێ و یێ پلە و پوست هاتم خانەنشینكرن. بەلێ مخابن و بۆ ئەڤێ بێ دادیێ وەك زیندانێ سیایی نەهاتم وەرگرتن و هەر وەسا پارچا ئەردە من نەوەرگرتیە و ئەڤ خزمەت و خەبات و قوربانی دان دەردەسەری هەمی ئەز ژ هەمی پشتی یێ بار و مفادارم، ئەڤەژی بۆ ئەوێ چەندێ گەهیتن كەس پرسیارا حالێ فەقیری ناكەت و هەمی دەمان ئەوێ بێ دەستهەلات و بێ واستە و مرۆڤانێ ل بەر پیان دچن و كەسێ هایی ژ ئەوان نینە. ل دوماهیێ پێشمەرگەیێ دێرین و پەكەوتویێ سەنگەر و زیندانێ سیاسی و گوت: ئەز سۆپاسیا ڕۆژنامەیا ئەڤرو دكەم كو خۆە ل ئەوان جورە بابەتان دكەنە خودان و پرسیارا رەوشا شاخلەمیا مرۆڤی دكەن. هەر وەسا زور سوپاس بۆ ئەڤێ دیدارا دگەل من هاتی سازكرن هەتا وەكوخواندەڤان ب زان شۆرەشا ئیلونێ و گولانێ و ب چی شێوە خو خەبات و سایا ئەڤێ ماندیبونێ مەحكومەت و پەرلەمان هەیە و هەر بەرز و بلند بیت ئالا كوردستانێ.
