پێنجی قوتابی فێری هونه‌رێ وێنه‌چێكرنێ دبن
دهۆك، شاكر ئه‌تروشی:
خوله‌كا فێركرنا وێنه‌چێكرنێ بۆ پێنجی قوتابیان، هه‌ر ژ قوناغا باغچه‌ی هه‌تا پولا نه‌هێ بنه‌ره‌تی ل هولا چالاكیێن قوتابخان/سه‌ر ب په‌روه‌ردا دهۆك/ رۆژهه‌لات ڤه هاتیه ڤه‌كرن و رێڤه‌به‌ریا گشتی یا چالاكیێن قوتابخانان هه‌موو پێدڤیێن خولێ دابینكرینه و ده‌مێ وی پازده رۆژن.
نیوار حه‌جی حه‌سن، به‌رپرسێ چالاكیێن قوتابخان ل په‌روه‌ردا دهۆك/رۆژهه‌لات، ل دۆر وێ خولێ بۆ رۆژناما ئه‌ڤرۆ گۆت: سالانه دوه‌رزێ هاڤینێ دا كو ده‌مێ بێهنڤه‌دانا قوتابیانه ئه‌ڤ جۆره خوله دهێنه ڤه‌كرن و ل رۆژا چارده‌ی ڤێ هه‌یڤێ ده‌ست بڤێ خولێ هاتیه كرن و هه‌ردو ماموستایێن بسپۆر(هێرش عه‌بدوللا و دلڤین سالم) وانێن خولێ دبێژن.
هێرش عه‌بدوللا، ماموستایێ خولێ ژی گۆت: ئه‌ڤ پێنجی قوتابیه ل سه‌ردو گرۆپان ل دووف ژیێ وان هاتینه به‌لاڤكرن، ئه‌م هه‌ست پێ دكه‌ین كو پرانیا وان حه‌زا فێربوونێ یا هه‌ی و هیڤیا من ئه‌وه ل پاشه‌رۆژێ ئه‌ڤه ببنه شێوه‌كارێن باش.
